Мөөрейлер/Миллениум-2

Кичээнгейлиг! Мөөрейниң хуусааларын узаткан

Марафон "Миллениум-2" — шупту Википедияларга албан турар ужурлуг 1000 чүүлдү Тыва Википедияга бижиир азы чедир бижиир мөөрейниң ийиги кезээ-дир. Ол чүүлдерниң иштинде кижи төрелгетенниң аңгы-аңгы адырларда кол билиглериниң сүүзүнү кирген. Оларның ачызында Тыва Википедия ёзулуг энциклопедия деңнели чедер.

Мөөрейниң хуусаазы

Мөөрейниң эгези: 2023 ч. ноябрь 14 (00:00:00 Москва үези).

Мөөрейниң төнчүзү: 2023 ч. декабрь 29 (23:59.59 Москва үези)

Түңнелдерин чарлаары: 2023 ч. декабрь 30.

Шаңналдарын чоргузары: 2023 ч. декабрь 31.

Мөөрейниң чуруму

Мөөрейниң шаңналдары:

Мөөрейни Тыва Республиканың Баштыңының Грантызының акшазы-биле эрттирип турар! Шаңналдың ниити түңү 100 муң рубль.

Бо мөөрейде номинациялар чок. Негелделерге дүгжүп турар кылдыр бижээн чүүл бүрүзү дээш 500 р. акша бээр.

Мөөрейниң дүрүмнери:

1. Мөөрейге Википедияда бүрүткеттинген киржикчилер шупту киржип болур. Россия Федерациязының хамаатылары болур ужурлуг.

2. Киржикчи бүрүзү Мөөрейге чүгле чаңгыс бодунуң адындан киржип болур.

3. Мөөрейже чүгле дараазында негелделерге дүгжүп турар чүүлдер кирип болур:

– Чаа чүүл Тыва Википедияга тыва дыл кырында 2023 чылдың ноябрь 14-тен декабрь 25-ке чедир бижиттинген турар ужурлуг. Ол хуусааның мурнунда азы соонда бижиттинген чүүлдерни санавас;

– Бижиир чүүлдү «Шупту Википедияларга турар ужурлуг 1000 чүүл» деп даңзыдан алыр;

– Чаа чүүлдүң хемчээли 10 000 байттан эвээш эвес болур ужурлуг.

– Чаа чүүлге шөлүлгелер, демдеглелдер албан киирттинген турар ужурлуг.

– Мөөрейге чүгле бо даңзыда бар чүүлдер дугайында бижиир: Шупту дылдарга бижээн турар чүүлдер

4. Мөөрейге эрги турган чүүлдү чаартып, немеп кылган чүүлдерни база санаар. Киржикчиниң чаа киирген медээзи 10 000 байттан эвээш эвес турар ужурлуг. 5. Чаа чүүлдү бижээш азы эрги чүүлдү чаарткаш, ону адаанда таблицаже мөөрейниң хуусаазының дургузунда киирип каан турар ужурлуг. Таблицаже киирбээн чүүлдер мөөрейге киришпес, санаттынмас. 6. Хары угда хөй чүүлдү немээри хоруглуг, чүге дизе кандыг-бир кижи дыка хөй чүүлдерни белеткеп алгаш, хары угда киириптерге, мөөрейниң өске киржикчилерин мегелеп турган апаар.

Баллдар салыры:

Мөөрейниң жюри кежигүннери бижиттинген чүүлдүң хемчээлинче болгаш шынарынче кол кичээнгей салып, 1-ден 3-ке чедир балл салыр. 10 000 байттан эвээш болган чүүлге балл бербес.

Мөөрейниң түңнелдерин үндүрери:

1. Мөөрейниң түңнелдерин дуржулгалыг болгаш идепкейлиг википедистер үндүрер.
2. Мөөрейниң жюри кежигүннери бижиттинген чүүлдүң хемчээлинче болгаш шынарынче кол кичээнгей салыр.
3. Мөөрейге эң хөй баал алган киржикчи тиилээр. Баллдары деңнежи берзе, бижээн чүүлдериниң ниити хемчээлин болгаш санын барымдаалап түңнээр.
4. «Дуржулгалыг киржикчилер аразынга мөөрейге» шаңналдыг черни чүгле 10-дан эвээш эвес чүүл бижээн киржикчи ап болур. «Чаа киржикчилер аразынга мөөрейге» Бир статья бижээш-даа шаңналдыг черже кире берип болур.
5. Мөөрейниң дүрүмнерин хажыткан киржикчилерниң киржир эргезин казыыр.
6. Жюриниң шиитпири өскерттинмес.
7. Мөөрейниң түңнелдери үнүп кээрге, шаңналдыг черлер алган киржикчилерже мөөрейниң эрттирикчилери 5 хонук иштинде дыңнадып бижиир. Дыңнадыг алган соонда 10 хонук хуусаа дургузунда шаңналдарын чоргузарынга болгаш отчет кылырынга херек медээлерни чоргускан турар ужурлуг. Шаңналын алгаш, алганын бадыткап база бижиир.
8. Бир эвес ол хуусаа дургузунда харыылавас болза, эрттирикчилерниң киржикчиниң шаңналын чоргузуп бербейн баар эргези бар. Жюриниң шиитпири-биле ол шаңналды өске киржикчилерге бериптип болур.
9. Мөөрейниң түңнелдерин Тыва Википедияга чарлаар.

Мөөрейде киржип турар чүүлдерниң даңзызы:

Чүүлдү чаяагаш, чедингир бижээш, ук арынның адаанда таблицаже боттарыңарны киирер силер (эрттирикчилерден дуза дилеп болур силер). Мөөрейге санаттынар чүүлдер ук таблицага албан турар ужурлуг. Чөптүг чүүлдер хынаарынга шаптыктавазы-биле, таблицаже чедир бижиттинмээн чүүлдерни киирбеңер.

Мөөрейниң түңнелдери

Solangy9105 - 28 чүүл = Шаңналы 14 000 р.;

Ezir-Kara - 3 чүүл = Шаңналы 1500 р.