Википедия

Шойгу, Лариса Кужугетовна

Лари́са Кужуге́товна Шойгу́ (1953 чылдың январь 21, Чадан, Тыва АО, РСФСР, ССРЭ - 2021 чылдың июнь 10) — российжи политик. Күрүне думазының V-ки, VI-гы чыыштарының база Россия Федерациязының Федералдыг чыыжының VII-ги чыыжының депутады. 2007 чылдың декабрь 2-ден тура думазының ажылын организастаар комитеттиң даргазының оралакчызы[1].

Лариса Кужугетовна Шойгу

Портрет
Төрүттүнген хүнү 1953 январьның 21(1953-01-21)
Мөчээн хүнү 2021 июньнуң 10(2021-06-10) (68 хар)
Чурт
Ашаа азы кадайы Константин Якубович Фламенбаум[d]

Россия Федерациязының Камгалал яамызының сайыды Сергей Шойгунуң кады төрээн угбазы.

Намдары

эдер

1970 чылда Кызылдың №1 ортумак школазын дооскан.

1977 чылда Томскунуң эмчи институдун дооскан.

Тывага психиатр-эмчи кылдыр ажылдап турган. 1976 чылдан 1998 чылга чедир Тываның республика чергелиг психиатрлыг эмнелгезинге ажылдап чораан. Бөдүүн эмчиден эгелээш, эмнелгениң кол эмчизиниң эмнелге талазы-биле оралакчызынга чедир орукту эрткен.

1998 чылдан — Тыва Республиканың Кадык камгалал яамызының сайыдының бирги оралакчызы.

Суд психиатры, суд-психиатрлыг комиссияның даргазы кылдыр база ажылдаан. Кыдат эмнелге аргаларын база өөренип, шиңгээдип чораан. «Россияның алдарлыг эмчизи» деп аттың эдилекчизи.

1998 чылдың төнчүзүнде Москваже көжүп чорупкан.

1999 чылда Москвада Россияның Онза байдалдар яамызының (МЧС) төп поликлиниказынга рефлексотерапевт-эмчи кылдыр ажылдап кирип алган.

2000—2007 чылдарда — Москвада Россияның Онза байдалдар яамызының (МЧС) төп поликлиниказының камгаладылга эмнелгезиниң начальнигиниң оралакчызы.

Парламентче соңгулдалар бертинде ашаандан алган Фламенбаум деп фамилиязын Шойгу деп баштайгы фамилиязынга солуп алган.

2007 чылдың декабрь 2-де Россия Федерациязының Федералдыг чыыжының Күрүне думазының V-ки чыыжының «Единая Россия» намның мурнундан депутады кылдыр соңгуттурган. Күрүне думазының кадык камгалаар комитединиң кежигүнү болган.

2011 чылдың декабрь 4-те Күрүне думазының VI-гы чыыжының «Единая Россия» намның мурнундан депутады кылдыр соңгуттурган. Күрүне думазының ажылын организастаар комитединиң даргазының оралакчызы

2016 чылдың парламент соңгулдаларынга «Единая Россия» намның Красноярск крайның болгаш Тыва Республиканың мурнундан киргеш, Күрүне думазының VII-ги чыыжынче соңгуттурган[2].

Хоойлу тургузар ажыл-ижи

эдер

2007 чылдан 2019 чылга чедир Күрүне думазынга ажылдап турар үезинде 17 аңгы хоойлу тургузар эгелекчи саналдарның соавтору[3].

Өг-бүлези

эдер
  • Ачазы — Кужугет Серэевич Шойгу (1921 чылдың сентябрь — 2010 чылдың декабрь 1), Тыва АССР-ниң Сайыттар Чөвүлелиниң даргазының оралакчызы[4].
  • Авазы — Александра Яковлевна Шойгу (Кудрявцева; 1924 — 2011).
  • Угбазы — Светлана (Санчат), ачазының баштайгы кадайындан уруу. Туран хоорайга чурттап чораан. Үш ажы-төлдүг: Любовь Кыргысовна – Тарлаг школазының директору, Алевтина Хулер-ооловна – Тарлаг сумузунуң чагырыкчызы, Валерий Кызыл-оолович – Аржаан сумузунуң чагырыкчызы.
  • Эр дыңмазы — Сергей Кужугетович Шойгу (1955 чылдың май 21), Россия Федерациязының Камгалал яамызының сайыды.
  • Бичии кыс дуңмазы — Ирина Кужугетовна Захарова (Шойгу; 1960), психиатр-эмчи, Томскунуң эмнелге институдун дооскан соонда өгленгеш, Саяногорск, Абакан хоорайларга ажылдап чурттап чораан. 1990 чылдарның оран үезинде Москваже көжүп чорупкан.

Демдеглелдер

эдер
  1. ↑ Шойгу Лариса Кужугетовна (орус). www.duma.gov.ru. Хынаан 5 Он айның 2016.
  2. ↑ Андрей Перцев. Чужие здесь проходят Газета «Коммерсантъ» № 132 от 25.07.2016, стр. 3
  3. ↑ Официальный сайт Государственной Думы Федерального Собрания Российской Федерации. old.duma.gov.ru. Хынаан 12 Сес айның 2019.
  4. ↑ Иван Голунов. Высокопоставленные наследники (орус) (HTML). Доходы госслужащих  (чедимчок шөлүг — төөгү). Slon.ru (16 сентября 2011). — Чем занимаются жёны и дети чиновников. Хынаан 28 Он бир айның 2012. Архивтээн 2013 Алды айның 2.

Шөлүглер

эдер
Дөзү – «https://tyv.wikipedia.org/w/index.php?title=Шойгу,_Лариса_Кужугетовна&oldid=42384»