Санаа, Артас Валентин оглу

Артас Валентин оглу Санаа
Артас Валентин оглу Санаа
	орус. Артас Валентинович Санаа
	; Артас Санаа Токиода. Олимпиада соонда. 2021 ч.
Төрүттүнген хүнү	1991 февральдың 9 (33 хар)
Чурт	Казахстан;

Артас Валентин оглу Санаа (каз. Нұрислам Валентинұлы Санаев; 1991 чылдың ийи айның 9-та төрүттүнген) – тыва уктуг Россия болгаш Казахстанның хостуг хүреш мөгези. 2021 чылда Токиога болуп эрткен Олимпий оюннарының хүлер шаңналының, 2018 чылдың Делегей чемпионадының мөңгүн шаңналының, Азия чемпионадының 2017 чылда хүлер, а 2018 чылда алдын шаңналының эдилекчизи.

Намдары

Санаа Валентин оглу Артас 1991 чылдың ийи айның 9-та Тыва АССР-ниң Чадаана хоорайга төрүттүнген.

2012 чылда И. Ярыгин аттыг делегей чергелиг маргылдаага баштайгы үнүүшкүнүн кылгаш, 3-кү черни ээлээн. Россияның чыынды командазының составынга ат-алдарлыг делегей чергелиг маргылдааларга киржип, аңаа мөңгүн медальдарны чаалап ап турган.

2014 чылда Динмухаммед Кунаевтиң шаңналдары дээш эрткен делегей чергелиг маргылдааның түңнелдери-биле Казахстан биле Россияның Хүреш федерацияларының аразында Казахстанның чыынды командазы дээш Артас Санааның хүрежириниң дугайында керээге ат салдынган.^[1]

2015 чылда Казахстанның Президентизининиң Кубогунуң хүлер медализи болган, а ол ышкаш делегей чергелиг чемпионатка 5-ки черни ээлээш, 2016 чылдың Олимпий оюннарынче Казахстанга кара чаңгыс лицензияны чаалап берген.

Рио-де-Жанейро Олимпиадазынга Казахстанның чыынды командазының составынга ойнаарының бетинде бүгү-делегей рейтингизинге 8-ки черге турган Артас Санаа ислам чүдүлгезин хүлээп ап, ат-сывын Нурислам Санаев кылдыр өскерткен^[2]^[3], ынчалза-даа Олимпиаданың бодунга чүгле 12-ги черни ээлээн.

2017 чылда Азия чемпионадынга хүлер медальды апкан, а 2018 чылда Азия чемпиону болган.

2018 чылда Будапешт хоорайга болган делегей чемпионадының финалынга россий спортчу Заур Угуевке аштыргаш, мөңгүн медальды чаалап алган.

2019 чылда Нур-Султан хоорайга эрткен делегей чемпионадының хүлер медализи болган.

Токиога болуп эрткен ХХХІІ чайгы Олимпий оюннарының хостуг хүрешке 57 кг деңзи чедир мөгелер аразынга хүлер медальдың эдилекчизи болган.

Демдеглелдер

Айтыглар

Нурислам Санаев — олимпийская статистика на сайте Sports-Reference.com^{англи дылда}
Нурислам Санаев — профиль на сайте International Wrestling Database^{англи дылда}

[1] Артас Санаа (Казахстан) завоевал путевку на Олимпиаду в Бразилию

[2] Тувинский борец Артас Санаа принял ислам и сменил имя

[3] Kazakh wrestler changes name ahead of Rio Olympics Archived 2018-10-22 at the Wayback Machine

[1]

[2]

[3]

Артас Валентин оглу Санаа

орус. Артас Валентинович Санаа

Артас Санаа Токиода. Олимпиада соонда. 2021 ч.
Төрүттүнген хүнү	1991 февральдың 9(1991-02-09) (33 хар)
Чурт	Казахстан