Коңгурак

Коңгурак ( лат. Adenóphora, орус. Бубенчик, төв. Клу-блуд-рдо-рджэ) - Колокольчиктер (Campanulaceae) өгбезиниң чечектерлиг үнүштер аймаанга хамааржыр үнүш.

Калбак бүрүлүг коңгурак, ниити көрүжү

Бүрүлери

Чечектерлиг будуктары

Коңгурактың хевирлери Евразияның сооксумаар база ортумак кожууннарынга көстүгүлээр, а көвей янзылары Чөөн Азийге өзер.

Тывада коңгурактың 3 хевири өзүп үнүп турар.

Тодаргайы-биле

Өзүп үнүп турар черлери: ховулар, даштарлыг ийлер, хемнер уннары, дыттарлыг аргалар, шыктарлыг ховулар, чадаңнарлыг шырыштар.

Хереглеттинер чүүлдери: чер кырында кезээ, көък дазылдары.

Эмнерге белеткээр үелери: июль-сентябрь.

Эм шынарлыг хевирлери

1. Коңгурак чиңге чечектиг - Бубенчик узкоцветковый;
2. Коңгурак коронопус бүрүлүг - Бубенчик коронопусолистный.

Ажыглаары

Сигениниң сугга хандызын (1:10) ижин-шөйүндү болгаш нерви аарыгларында ажыглап турар. Үнүштүң шуптузун чемге хереглээр. Чаа хайындырып каан аныяк көък дазылдары чигирзиг амданныг, а чаш будуктары мүнге дагаа мүнүнүү дег амдан киирер.

Төвүт медицинада ажыглап турары

Хереглеттинер чүүлдери: сигени.

Ажыглаары: туяа, подгара биле гдон деп каржы бүрүлбаазын күштүң тывылдырганы аарыгларны экиртир.

Дөзүк

1. Серенот Станислав К. "Тыва улусчу эмнээшкин:эм оъттар, үнүштер, чааттар, мөөгүлер; моол, тибет, кыдат улусчу медициналар-биле чергелештирип бижээни". Тываның ном үндүрер чери, 2009. ISBN 5-7655-0636-4