Юдина, Мария Вениаминовна.

Мария Вениаминовна Юдина. {1899 чылдың август 28 (сентябрь 9) - г. Невель, Витебск губерниязы - 1970 чылдың ноябрь 19, Москва.} — Совет пианист.

Мария Вениаминовна. Юдина
орус. Мария Вениаминовна Юдина
Төрүттүнген хүнү	28 августтуң (9 сентябрьның) 1899
Төрүттүнген чери	Невель[d], Витебская губерния[d], Российская империя[d]
Мөчээн хүнү	1970 ноябрьның 19(1970-11-19) (71 хар)
Мөчээн чери	Москва, ССРЭ
Хамаатызы (албатызы)	Российская империя[d]  ССРЭ
Ажыл-херээ	классическая пианистка, музыкальный педагог, пианистка
Жанр	классическая музыка[d]
Чогаадыкчы дылы	Орус дыл

Допчу намдары

Невель хоорай, Витебск губерниязынга тѳрүттүнген. Ачазы  — Вениамин Гаврилович Юдин, эмчи, судмедэксперт, Күш ажылдың маадыры. Авазы — домохозяйка Раиса Яковлевна Юдина (тѳрүмелинден Златина; 1868, Москва — 24 марта 1918, Невель). Чажындан тура сонуургак, шимченгир, чүгле хѳгжүм дыңнаары-биле кызыгаарланмайн турган. Фортепианога бир дугаар 6 харлыында ойнап эгелээн. Кичээл ап турган кижизи Антон Рубинштейнниң ѳѳреникчизи Фрида Давыдовна Тейтельбаум-Левинсон. 1912 чылда Петербургтуң консерваториязынче кирген. Аңаа фортепианоннуң кичээлдерин Анна Есиповадан, оон Феликс Блуменфельден, Анатолий Дроздов, Леонид Николаевтен ап турган. Ѳске кичээлдерни база шиңгээдип ап турган. 1919 чылдың майда православ чүдүлгени алган. Михаил Бахтин болгаш Лев Пумпянскийниң кружогунче кирип турган. 1921 чылда консерваторияны дооскаш, концертерге ойнап эгелээн. Бир дугаар о Петроградтың филармониязынның оркестири биле, Эмиль Куперниң удуртулгазынга концертин кѳргүскен. Ирина Гогуа сактыышкыны биле алырга Юдина концертерин Екатерина Павлованның удуртуп турганы Кызыл Крест дээш кѳргүзүп турган. 1929 чылда бирги бот колдаан концертин кѳргүскен. 1930 чылда Юдинаны Ленинградтың консерваториязындан чүдүлге айтырыгларын кѳдүргени дээш үндүрүпкен (Кружок «Воскресение»). Ийи чыл болганда Тбилисинниң консерваториязынга профессор ажылды тып алган. 1936 чылда Москванның консерваториязынче ажылдап кирген. Аңаа 1951 чылга чедир ажылдаан. 1944-60 чылдарда Гнесин аттыг институтка башкылап ажылдаан. Оон тура база-ла чүдүлгези база барыын чүктүң амгы хѳгжүмүн (колдуу И. Стравинский) сонуургааны дээш үндүрткен. Оон соон дарый Б. Пастернактың шүлүктерин сценадан номчуп турганы дээш беш чыл концерт кѳргүзер эргезин казыткан.

1965 чылда Василий Ватагинниң выставказынга Александр Мень биле таныжып алган. 1966 чылда Москванның консерваториязынга романтизм дугайында лекцияларын номчаан. Првослав чүдүлгелиг, удуртур башкызы протоиерей Всеволод Шпиллер турган. Юдина бүгү назынында чединмес кылдыр чуртап каан. Кедер идик хеп чок, аарып-аржып, чедир чемненмейн турган. Ёзулуг чурукчу кижи чединмес болур ужурлуг - деп санап чораан. Артыкшылдыг акша-тѳгериин чединмес улуска берип алыр турган. Сѳѳлгү концерти 1969 чылда болган. Чок болуруннуң мурнунда чуртаар бажыңга чединген.  Баштаңчы Юдинага ынак турган-даа бол, Юдина баштаар черлерниң четпестерин ажык-чарлыг шүгүмчүлээр турган. Москвага чок болган.
Введенская хѳѳрүнде ажааттынган.

Ѳг-бүлези.

Акылары, дуңмалары:

• Флора Вениаминовна Юдина (ашааныы биле — Цейтлина; 1891—1961), эмчи.
• Анна Вениаминовна Юдина (1896—1970), эртем литературазынның очулдуркчузу.
• Лев Вениаминович Юдин (1892—1964), эмчи.
• Борис Вениаминович Юдин (1894—1986), сценарист.

Ажылы.

Ол үенниң классиктиг хѳгжүмге ойнакчызы. Бетховен аттыг квартет болгаш Глазунов аттыг квартет. ССРЭ-ге бир дугаар А. Бергтиң, П. Хиндемиттиң, Э. Кшенектиң, Б. Бартоктуң, А. Веберниң, О. Мессианның ойнаан хѳгжүмчү. Хѳй чылдар тдургузунда  C. С. Прокофьев болгаш  Д. Шостакович биле эдержип чораан. Шубертиң, Бетховенниң, Брамстың болгаш Моцартың хѳгжүмүн шыырак ойнаар кижи чораан.
Чагаалажып турган сураглыг кижидери И.Ф.Стравинский, П. Сувчинский, К.И.Чуковским, Б. Пастернак, Карлхайнц Штокхаузен. М. Цветаева, Б.Пастернак, К. Паустовский, А. Кочетков, Н. Заболоцкий дугайында сактыышкыннарны аттырган.