Дүжер-меде кадыырзыг

Дүжер-меде кадыырзыг (орус. Люцерна серповидная, лат. Medicágo falcata) - Бобтар (Fabaceae) өгбезиниң дүжер-меде үнүштүң хөй чылдыг 20-80 см бедик хевири. Эм кылдыр ажыглап турар.

Тодарадылгазы

Бедии 20-80 см. Хөй чылдыг үнүш. Чечектери сарыг. Бобтары кадыыр хевирлиг-ыргагар, ховар шуут-ла дорт.

Өзер черлери: Кургаг шыктарлыг ийлер, кужурларлыг шыктар, элезиннер, чыдымнар, ховулар, даглар эдектери болгаш ховуланы берген шыктар.

Хереглеттинер чүүлдери: сигени.

Чечектелири: июнь-августуң ийиги чартыы.

Белеткээр үелери: июнь-август.

Ажыглаары

Кургадып каан чечектерлиг сывын нерви аарыгларында мага-бот оожургадыр чүүл кылдыр ажыглап турар. Сугга хандылап алгаш, ижип эмненир.

Дөзүк

Серенот Станислав К. "Тыва улусчу эмнээшкин:эм оъттар, үнүштер, чааттар, мөөгүлер; моол, тибет, кыдат улусчу медициналар-биле чергелештирип бижээни". Тываның ном үндүрер чери, 2009. ISBN 5-7655-0636-4