Гүнгөр, Эмре
Фехми Эмре Гүнгөр (орус. Фехми́ Эмре́ Гюнгёр, тур. Fehmi Emre Güngör; 1984 чылдың август 1-де төрүттүнген, Стамбул) — турк футболчу, төп камгалакчы[2].
 Эмре Гүнгөр | ||||||||||
|---|---|---|---|---|---|---|---|---|---|---|
 | ||||||||||
| Долу ат | Фехми Эмре Гүнгөр | |||||||||
| Төрүттүнген |
1984 августтуң 1[1] (40 хар) |
|||||||||
| Хамаатылалы | ||||||||||
| Позиция | защитник | |||||||||
| Карьера | ||||||||||
| Клубка карьера* | ||||||||||
| 2000—2001 |  Бакыркөйспор
| 10 (0) | ||||||||
| 2001—2007 | Анкарагүджү
| 83 (5) | ||||||||
| 2003—2004 | Түрк Телекомспор
| 38 (2) | ||||||||
| 2008—2010 | Галатасарай
| 31 (0) | ||||||||
| 2010—2012 | Газиантепспор
| 44 (1) | ||||||||
| 2012—2014 | Антальяспор
| 45 (1) | ||||||||
| 2014—2015 | Карабүкспор
| 13 (1) | ||||||||
| 2015—2016 | Эскишехирспор
| 18 (0) | ||||||||
| 2016—2017 | Бандырмаспор
| 9 (0) | ||||||||
| Чыынды команда** | ||||||||||
| 2002—2005 | Турция (21 хар чедир)
| 20 (0) | ||||||||
| 2008—2010 | Турция
| 4 (1) | ||||||||
| * Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар. ** Националдыг чыынды-биле официалдыг матчтарга оюннары болгаш голдары. | ||||||||||
|
||||||||||
Карьеразы
эдерЭмре футболду 11 харлыг тургаш, «Бакыркөйспор» клубтуң футбол академиязынга эгелээн. Турцияның Суперлигазының командаларының кичээнгейин 17 харлыында хаара туткан. Салым-чаяанныг камгалакчы деп турк специалистер ону үнелээн. 23 харлыг тургаш, бодунуң баштыңчы шынарлары-биле «Анкарагүджү» клубтуң капитаны апарган. Солун-сеткүүлдерниң бодалы-биле Эмре «Турцияның чыынды командазының келир үеде идегелдериниң бирээзи» апарган. Камгалакчыны бодунуң командазынче алыр дээш «Фенербахче» база туржуп турган, ынчалза-даа футболчу «Галатасарай» клуб-биле керээ чарып алган.
«Анкарагүджүге» Гүнгөр 2001 чылда «Бакыркөйспордан» келгеш, бир дугаар дээди дивизионга 17 харлыында ойнап эгелээн. 2003/04 сезонун ийиги дивизионда ойнап турар «Телекомспор» деп клубка хөлезиледипкен турган. Ооң соонда «Анкарагүджү» клубка катап эглип келген. Дыка дүрген депшип үнгеш, 23 харлыында команданың капитаны апарган.
2006/07 сезонда 30 оюн ойнааш, 1 гол киир тепкен. Ынчан ол чуртуң тергиин дээн клубтарының сонуургалын хаара туткан. 2008 чылдың январьда Гүнгөр «Галатасарайже» кирип алган. Ооң составынга баштайгы оюнун 2008 чылдың январь 12-де «Ризеспор» клубка удур ойнаан, Эмре ынчан 87 дугаар минутада үнүп келген. Команданың кол составынга ол Ригобер Сонгтуң Африкан нациялар Кубогунче чоруткан соонда кирген. Чоорту чаңчыгып кээп, клубка камгалакчы кылдыр быжыг турумчуй берген. Бир дугаар сезонда-ла Стамбулдуң клуву-биле алдын шаңналдарны чедип алган.
Чыынды командада карьеразы
эдерТурцияның аныяк чыынды командазының составынга Гүнгөр 43 оюн ойнаан. Кол чыынды командага Эмре Словакияның чыынды командазынга удур найырал маргылдаага ойнап эегелээн. Европа чемпионадынче команданың составынга чүгле Гөкхан Гөнүлдүң кемдей бергенин барымдаалап кирген. Гөкхан Гөнүл Евронуң баштайгы оюнда Португалияның чыынды командазының халдакчызы Криштиану Роналдуну кадарар сорулгалыг турган. Гүнгөр Европа чемпионадынга Чехияның чыынды командазынга удур оюнга чаңгыс оюн ойнаан, ынчалза-даа Эмре команда-биле кады чемпионаттың хүлер шаңналының эдилекчизи болган.
Чедиишкиннери
эдер
Галатасарай
- Турция чемпиону (1): 2007/08
- Турцияның Суперкубогунуң чемпиону (1): 2008
- Турцияның чыынды командазы
- Европа чемпионадының хүлер шаңналының эдилекчизи: 2008[3]
Хууда чуртталгазы
эдерӨг-бүле байдалы — өглүг, 2007 чылда оглу төрүттүнген.