Майык:Художник Мэ́ри Бил, төрүттүнгенде Крэ́док (англ. Mary Beale, née Cradock; 26 март 1633 — 1699) — англи чурукчу, Англияда XVII чүс чылдың дээди чурукчуларының бирээзи деп сантаттынып турар, база ол ышкаш чуртуң төөгүзүнде бир дугаар профессионал чурукчу херээжен кижи деп санаттынып турар.

Намдары эдер

Барроу деп суурга (графство Суффолк) пуритан шажынчы Джон Крэдоктуң өг-бүлезинге төрүттүнген. Ооң авазы Дороти, Мэри 10 харлыг турда чок болган. 18 харлыында Чарльз Бил деп Лондондан пөс садыгжызы кижи-биле өгленип алган. Мэриниң ачазы-даа, өөнүң ээзи-даа хостуг үезинде чурук чуруур турганнар. Ооң ачызында ол Лондоннуң чурукчулары-биле эш тыртып чоогай берген. 1650-1660 чылдарда Мэри Бил бажыңынга заказ аайы-биле чуруктар чуруп турган.

1665 чылда акшага бергедээш, база Лондонга чуманың нептерээни-биле Билдерниң өг-бүлези Хэмпшир деп графствоже көже берген. Беш чыл иштинде Мэри Бил Оллбрук деп суурга көдээ ийи каът бажыңга чурттап турган. 1670 чылда найысылалга катап көжүп келгеш, мастерская ажыдып алган. Ашаа будуктар холуп берип, заказтарның сан-түңүн, өртек-үнезин тодарадып дузалажып турган. Чоорту ол чедиишкинниг чурукчу апарган. Мэри дыка хөй заказтар ап, башкылап база турар апраган. Ооң бир кыс өөреникчизи Сара Кутис соонда барып дыка алдарлыг чурукчу болган. Өөнүң ээзиниң санап турганы-биле Мэри ийи чыл дургузунда 83 чурукту чураан. Ооң эн алдарлыг чуруктары: «Ашааның чуруу / Портрет мужа» (1680) база эгеки бодунуң чуруктарының бирээзи (1675). Оолдарының бирээзи, Чарльз Бил-Младший (1660-1714), база чурукчу болган. Ол үеде чурттап чораан улус ооң ажылдарын дыка үнелээн, ынчалза-даа ол чок болган соонда ону дораан уттупканнар.

Шөлүглер эдер