Өгбе

Өгбе:

1. Хөй кандыг-бир улустуң, аймактың, төрел бөлүктүң эгезин салган кижилер, бөлүк.

2. Кырган-ачазының азы кырган-авазының адазы, кырган-ачазы.

3. Улуг назылыг хүндүлүг кижи.

4. Кандыг-бир чүвениң эгелекчизи, ону мурнап эгелээн кижи.

Домакта чижектер:

Борбак-Сат, Чүгүрүк-Сат деп улус саттарның өгбелери болур (Кыс-Халыыр, 1974).

Мээң адам, өгбем-даа чоргулаан боор ийин оң (С. Сарыг-оол).

Улуг назылыг өгбеңерге дыка хайыралыг-дыр силер аа! (В. Моңгуш).

Чечен сөстуң өгбелерин сеткилимден хүндүлээр мен (К. Кудажы).

Дөс

1. Тыва дылдың тайылбырлыг сөстүү. Том II, "Наука", Новосибирск 2011ч.