Холин
ХОЛИН (ВИТАНМИН В4) - бо витамин В витаминниң бөлүүнге хамааржыр. Ол дагаа чуургазында, инек эъдинде, баарда, бүүректе, балык эъдинде, кызыл-таста, арбайда, сулада дээш өске-даа чүүлдерде хөй. Улуг кижиниң хереглели бир хүн иштинде 250—600 мг-га деңнежир. Холин эът-мага-ботка үс, холестерин дээр чүүлдерниң солчуушкунунга, эфирлиг уксус кислота-биле каттышканда нерви клеткаларының минниичелинге, ону нерви системазы-биле дамчыдарынга, шимчээшкинни тургузарынга эң-не ажыктыг витамин болуп турар. Билдингири-биле чугаалаарга, машинаның бензин чок шимчевези ышкаш эът-мага-ботка холин чок база шимчевес. Оон ыңай холин ханда холестеринни звээжедип, ооң организмге солчуушкунун экижидип, организмниң кырывазынга эң-не ажыктыг витамин болур. Ынчангаш ону медицинада эм кылдыр ажыглап турарының чылдагааны ол.
Дөзү эдер
- Доржу Көк-оолович Куулар, Тана Монгушевна Куулар - "ЛЕКАРСТВЕННЫЕ РАСТЕНИЯ В ТУВЕ"