Ховалыг, Роланда Биче-ооловна
Ховалыг Роланда Биче-ооловна (1965 чылдың апрель 30, Чадан хоорай, Тыва АССР) – Тываның музей ажылының хоочуну, Тыва Республиканың культуразының алдарлыг ажылдакчызы. Россия Федерациязының Культура яамызының Россияның культура кадагалаар чериниң тыва этнографияның чүүлдериниң талазы-биле тускай эртемниг культурлуг үнелелдер эксперди.
Намдары
эдерРоланда Биче-ооловна Ховалыг 1965 чылдың апрель 30-де Тыва АССР-ниң Чадаана хоорайга төрүттүнген.
1992 чылда Улан-Удэ хоорайга Чөөн-Сибирьниң күрүнениң культура институдун культура-өөредиглиг ажылдар организаакчызы эртемниг дооскан.
Ол-ла чылын Тываның чурт-шинчилел музейинге фондулар килдизиниң учёт секторунуң эргелекчизи кылдыр ажылдай берген.
1999 чылдан тура музейниң кол кадагалакчызы кылдыр ажылдап чоруур. Роланда Биче-ооловна Тыва Республиканың национал музейинде барык 30 чыл ажылдап чоруур. Ажылдап келген үезинде музейниң фондуларының ажыл-херээн аайлап, реставрация ажылын бедик деңнелге үндүрүп, фондуларның учедун автоматизаастаар ажылды эчизинге чедир кылып чоруур.
Р. Б. Ховалыг Россия Федерациязының Культура яамызының Россияның культура кадагалаар чериниң тыва этнографияның чүүлдериниң талазы-биле тускай эртемниг культурлуг үнелелдер эксперди болуп турар. Тыва Республиканың девискээринде төөгүнүн болгаш культураның тураскаалдарын кадагалаар талазы-биле ажылда идепкейлиг киржип турар, Тыва Республиканың Баштыңының чанында эксперттиг чөвүлелдиң база Бүгү Россия чергелиг төөгүнүн болгаш культураның тураскаалдарын кадагалаар хөй ниитичи организацияның кежигүнү.
Роланда Биче-ооловна "Тыва үндезин хеп" деп билдингир номнуң автору.
Бижээн чүүлдери
эдерХовалыг, Р.Б. К истории возвращения археологической коллекции "Аржаан-2" в фонды Национального музея им. Алдан-Маадыр Республики Тыва // Наследие народов Центральной Азии и сопредельных территорий: изучение, сохранение, использование. Кызыл, 2009. Ч. 2. Ар. 149-152.
Ховалыг, Р.Б. Коллекция одежды в фондах Национального музея Республики Тыва: проблема комплектования, реставрации и консервации // Вопросы изучения истории и культуры народов Центральной Азии. Кызыл, 2006. Ар. 238-243.
Ховалыг, Р.Б. Тувинская традиционная одежда. Новосибирск, Наука 2018. 336 ар. ISBN: 978-5-02-038796-6 / 9785020387966
Шаңналдары
эдерТыва Республиканың культуразының алдарлыг ажылдакчызы (2014)
Тыва Республиканың Дээди Хуралының Төлээлекчилер палатазының Хүндүлүг бижии
Тыва Республиканың Чазааның Даргазының Хүндүлүг бижии
Тыва Республиканың Культура яамызының хүндүлүг бижии.
Литература
эдер1. Ховалыг Роланда Биче-ооловна : [о ней] // Азия төвүнүң херээженнери = Женщины Центра Азии: к 100-летию единения России и Тувы. Кызыл, 2014. Т.2. Ар. 75.
2. Роланда Биче-ооловна Ховалыг [ветераны музея] // Национальный музей имени Алдан-Маадыр Республик Тыва (1929-2014) : юбилейный альбом, посвященный 85 летию основания музея. Новосибирск, 2014. Ар. 26.
3. Ховалыг Роланда Биче-ооловна // Библиографический указатель. Национальный музей имени Алдан-Маадыр Республики Тыва – 90 лет: история и современность (1929-2019). Кызыл, 2019. А. 301-306.
Шөлүглер
эдер2. В Туве национальной одежде посвящена научно-практическая конференция