Тоюң, Константин Чанзанович

Константин Чанзанович Тоюң (апрель 22, 1926 чыл - декабрь 29, 1956 чыл) — тыва шүлүкчү, композитор, шии артизи.

Константин Чанзанович Тоюң

К. Тоюң 1926 чылдың апрель 22-де Тыва Арат Республиканың Барыын-Хемчик кожуунда Бай-Тайгада Хөл сумузунуң Алдыы-Чиңге-Дагга төрүттүнген. Кызыл-Мажалык эге школазынга, Тываның хөгжүм-шии театрының чанында театр студиязынга өөренип чораан.

1945-1948 чылдарда театр артизинге, Эрзинниң Сагаан-Толагай школазынга база Бай-Тайганың школаларынга башкы бооп ажылдап чораан. Тыва чогаалдың үндезилекчилери С. Сарыг-оол, С. Пюрбюнуң дузазы-биле шүлүктер болгаш шиилерни бижип эгелээн. Хөгжүм херекселдериниң шыырак күүседикчизи болгаш С. Сарыг-оолдуң чонда нептергей «Авай» деп шүлүүнге аялганы чогааткан.

1956 чылдың декабрь 29-та айыыл-халапка таварышкаш мөчээн.

1994 чылда Новосибирск хоорайга үнген хөй томнуг «Сибирьниң болгаш Ыраккы Чөөн чүк улустарының фольклорлуг тураскаалдары» деп номда ооң ады кирген. К. Тоюңнуң шүлүктери солуннарга парлаттынган болгаш дириг турда номнары үнмээн, чүгле 1976 чылда О. Сувакпиттиң редакторлааны-биле «Шүлүктер болгаш шүлүглелдер» деп ному чырыкче үнген.

ДөсЭдер

  • Ном «Тываның чогаалчылары / Писатели Тувы». 2000 ч.