Саржаг
Саржаг, чөкпекти колдуунда хой, өшкүнүң ыштай аарак кадырып каан хырныга кудар. Мал-маган болгаш аң-мең сыңыйларынга саржагны база тускайлап кудар.
Турнуктуруп чыгган өремени улуг пашка хайындырарга, баштай саржаг ылгалы бээр. Ылгап алган саржагны баштай сава долдур чыып алгаш, ооң соонда үрүп каан хой азы өшкү хырнынга кудуп алыр. Сыңыйлыг саржагны калбак ыяш кырынга салгаш, орун алдынга суп каар.
Кончуг бай өрегелер саржагны доскаарларга кудуп алыр.
Тыва кижиниң амыдыралынга саржаг эң-не хоолулуг чем болур. Уруг-дарыгга хереглээр саржаг шагның дөрт ээлчээнде албан турар. Өгге хүндүлүг кижи келирге, ыяап-ла саржаглыг чем салыр. Кыштың кончуг соогунда саржаглыг чемни чип аарга, челбинмес болур.
Дөс
эдер- Моңгуш КЕНИН-ЛОПСАҢ: ТЫВА ЧАҢЧЫЛ. Тыва чоннуң ыдыктыг чаңчылдары. – Тувинские традиции. Книга вторая: священные традиции тувинского народа. – Кызыл: Тувинское отделение педагогического общества при Министерстве образования республики Тыва: Издательство “Новости Тувы”, 1999. На тувинском языке. 352 с.