Паш (аарыг)

Паш (орус. Сифилис) — эр-кыс харылзаа таварыштыр дамчыыр халдавырлыг тускайлаң бактериялыг аарыг.

Treponema pallidum бактерия

Паш аарыглыг улус

Аарыгның чылдагааны

Аарыгның өөскүдүкчүзү - спирохета. Спирохета - грамм-, спираль хевирлиг Treponema pallidum (хылбан трепонема) деп бактерия.

Клиника. Патогенез.

• Эр-херээжен харылзаа соонда 7-14 хонук ишти кудуку (адакы) органга оюлган (орус. язва) тыптып кээр. Ол оюлган дараазында демдектерлиг:

борбак,
диаметри 1-1.5 см.,
аарышкы чок,
дөңгеликтелчек кыдыгларлыг,
дүвү кылагар болгаш ягаан, кызыл өңнүг. Ынчан дораан эмчиге көргүзер херек.

Ооң соонда оюлган боду эттине бээр, орнунга сорбу артпас.

• Бир ай хире болган соонда аарыгның ийи дугаар чадазы эгелээр. Бо чада бактерияларның нептерээни-биле илереттинер. Бүгү мага-ботка бичии 1-2мм диаметрлиг кызыл пятнолар^{шын тыва термин херек} тыптып кээр. Ол үеде аарып турар кижи дыка халдавырлыг болур.

• Үшкү чадазы гумма-биле илереттинер. Кандыг-бир чүстүң дыгдынар (сгибательный) талазынга 8-10см диметрлиг идегет (элемент) тыптыр. Кезек үе соонда оюлганнааш боду ыржагар сорбу-биле бүдер.

Эмнээри

Чогумчалыг кылдыр чүгле эмчиге эмнедип болур.

Дөзү

1. Дерматовенерология.