Оюн, Чамыяң Кийбай олгу

Чамыяң Кийбай олгу Оюн (орус. Оюн, Чамыян Кийбаевич) – Ада-Чурттуң Улуг Дайынында тылдың ажыл-ишчизи.

Төөгүзү

Чамыяң Кийбай оглу 1926 чылда Элегес суурга хөй ажы-төлдүг малчын араттар өг-бүлезинге төрүттүнген. Чамыяң Кийбай олгу кады-төрээннерден эң улуу болган.

1936 чылда 10 харлыг тургаш школага өөренип турда, ону ноян кижиниң 4-кү салгалы (правнук) дээш школадан үндүрүпкен, ынчалдыр школага өөредилгези хагдынган.

АЧУД (Ада-Чурттуң Улуг Дайыны) эгелээнде ол 15 харлыг турган, ол күш-ажылга белен турган. Дайын эгелезе, ол шупту улуг улус-биле дең ажылдап турган: сиген, тараа, чиңге-тараа, сула кезилгези дээш одө. Сумунуң совхозунга трактор, комбайн дээш машина-херекселдер турбаан – бөдүүн арат херекселдер-биле ажылын чорудуп турганнар. Ол үеде улуг-биче-даа дивейн тыва чон маадырлыы-биле ажылдап турганнар. Оон-даа өске ногаа аймаан база тарып, ажаап турганнар. Аныяк Чамыяң ажылдаан акшаларын фронтуже чорударын кызып турган.

Дайын соонда 1946 чылда ол 20 харлыг тургаш, Бай-Хаактың кежээки школазының 4 клазын дооскан, а 1947 чылда Межегейже ажылдап көже берген. 1948 чылда Межегейге Ленин аттыг колхоз ажытканнар, аңаа 1957 чылга чедир ажылдаан. 1958 чылда колхоз совхозче шилчий берген, аңаа тудугжу кылдыр 1992 чылга чедир ажылдаан. Ынчан ол 68 харлаан. Межегейниң шупту чыгыы бажыңнарын ооң бригадазы туткан.

Оюн Чамьяң Кийбай оглунуң хөй чылдар ишти улуг ажылы дээш көвей медальдарга төлептиг болган: «За долголетний добросовестный труд», «Ветеран труда» «Труженик тыла», «50 лет Победы в Великой Отечественной войне», «65 лет Победы в Великой Отечественной войне 1941-1945 гг.», «100-летие единения России и Тувы и 100-летие основания города Кызыла» дээш одө.

1950 чылдар аразында Чамыяң Кийбай оглу өленген, 7 ажы-төлдүг болган. Ол шупту ажы-төлүн эртем-билигге чедирген.

Дөзүк

1. Солун "Таңды Уула", № 12, 2015ч 4а 4х "НАШ ЗЕМЛЯК – ТРУЖЕНИК ТЫЛА".