Ондар, Өргелээр Чүвүрекович

Ондар Өргелээр Чүвүрек оглу (орус. Ондар Оргелээр Чувурекович; 1947, январь 12 төр.) - ХХ чүс чылдың тыва мөгези, СЭСР-ның Хостуг хүрешке Спорт Мастери (1968, декабрь 20, №70349), Тыва Республиканың алдарлыг ажылдакчызы, хүреш тренери. Сүт-Хөл кожууннуң Үстүү-Ишкинниң Ак-Хүүректигге төрүттүнген.

Өргелээр Чүвүрекович Ондар
Төрүттүнген хүнү	1947 январьның 12(1947-01-12) (77 хар)

1968 чылда РСФСР-ниң аныяктар аразынга бирги чери дээш Октябрьск хоорайга болган маргылдаага киришкеш, мөңгүн медаль-биле шаңнаткан, ол-ла чылын Алушта хоорайга "Спартак" эки тура спорт ниитилелиниң Төп чөвүлелиниң чемпионадынга ийиги черни ээлээн. Украина ССР-ге Чернигов хоорайынга СЭСР-ның хостуг хүрешке "Спартак" эвилелиниң 1ги чери дээш маргылдаага шүүлген. Ооң түнелинде хүндүлүг Мастер деңелинге төлептиг болган.

Дөзү

1. "Тываның алдарлыг мөгелери" (Знаменитые борцы Тывы). Ооржак Сергей Ынаажык оглу. 2005 ч.