Ондар, Бавуужап Чадамба оглу
Ондар Бавуужап Чадамбаевич 1940 чылдың октябрь 24-те төрүүттүнген. Ол Хөр-Тайга чурттуг. Кызылда күрүнениң башкы институдун дооскаш, хөй чылдарда Суг-Аксы ортумак школазынга физика, математика башкылап чораан.
|
Бавуужап Чадамба оглу Ондар | |
|---|---|
Ооң аныяк үезинде бижээни "Арбай-Хоор" (аялгазы Кара-Кат Ооржактыы) деп ырызы чонда дыка нептерээн. Ол ыры ооң улусчу аян-биле поэзия делегейинче оруун ажыткан. Биче-оол Ондарның аялгазы-биле ооң чамдык ыры чогаалдары республика көрүлдезинге "Гран-При" шаңналынга чедип турган.
Авторнуң "Төлге бижии" (1997), "Теве төптүг Тыва чурагай" (2005) деп номнары чырыкче үнген. Бо ном ооң үшкү ному. Бавуужап Россияның алдарлыг чурукчузу Товариштайның кады төрээн акызы. Ооң оглу Байза база акызының доосканы Суриков аттыг чурулга академиязын дооскан хөйге билдингир скульптор.
Бурунгу түрк базырык Көк-Эл чоогунга чурттап чораан тоолчу Чадамбаның ажы-төлүнден мындыг солун кижилерниң тыптып турары кайгамчык солун ховар төөгү-дүр.