Насилов, Владимир Михайлович

 

Владимир Михайлович Насилов (1893, Зарайск — 1970, Москва) — совет эртемден-востоковед, түрколог, педагог, МКУ-нуң түрк филология кафедразының профессору болгаш эргелекчизи. РСФСР-ниң эртеминиң алдарлыг ажылдакчызы.

Допчу намдары

Рязань губерниязының Зарай уездизиниң Зарайск хоорайга (амгы Москва облазының Зарайск району) шажынчы өг-бүлеге төрүттүнген.Зарайскының училищезин, ооң соонда Москваның чөөн чүк дылдарының Лазарев аттыг институдун дооскан (Москва).

1924 чылдан тура Ортаа Азияның национал республикаларының төлээлерин өөредир ажылга киржип тургаш, аңаа уйгур дылды сонуургай берген. Удатпаанда Москваның чөөн чүк институдунга уйгур дыл кафедразын тургузуп алган.

ССРЭ-ге репрессиялар үезинде актыг черге хоругдаткаш, хөй чылдарда кижизидилге-ажылчы лагерьлерге шөлүглерге чоруп турган.

МКУ-га чөөн чүк шинчилээр чаңчылды катап тургузарынга үлүг-хуузун киирген. Түрк филология кафедразы 1956 чылдан тура — Москваның М.В. Ломоносов аттыг күрүнениң университединиң чанында Чөөн чүк дылдарының институдунуң тургустунганындан эгелеп бар. Ооң тургустунганындан эгелээш, кафедраның эргелекчизи В. М. Насилов турган, ооң соонда С. А. Соколов, а оон Э. А. Грунина (1995 чылга чедир). Аңгы-аңгы чылдарда маңаа сураглыг эртемденнер башкылап, шинчилел ажылдарын кылып чораан: И. В. Боролина, К. М. Мусаев, Н. Н. Калашникова база өскелер-даа.

Кафедраны дыка үр уеде удуртуп келгеш, В. М. Насилов хөй-хөй түрколог специалистерни үндурген. Ооң улуг кылган ажылдарынга орхон-енисей бижиктериниң болгаш уйгур бижиктиң тураскаалдарыныңXI—XV чүс чылдар шинчилелдери хамаарыр. .

Ажылдары

• Насилов В. М. Язык орхоно-енисейских памятников / Под общ. ред. проф. Г. П. Сердюченко; Институт востоковедения АН СССР. — М.: Издательство восточной литературы, 1960. — (Языки зарубежного Востока и Африки). — 1000 экз. (обл.)
• Насилов В. М. Древнеуйгурский язык. — М.: Издательство восточной литературы, 1963. — (Языки зарубежного Востока и Африки). — 1700 экз. (обл.)
• Насилов В. М. Язык тюркских памятников уйгурского письма XI—XV вв. — М.: Наука (ГРВЛ), 1974. — (Языки народов Азии и Африки).

Литература

• Грунина Э. А. Памяти Владимира Михайловича Насилова (1893—1970) // Вестник МГУ. Востоковедение. 1971. № 1. — С. 107.
• Ашнин Ф. Д. и др. Репрессированная тюркология / Ф. Д. Ашнин, В. М. Алпатов, Д. М. Насилов; Институт востоковедения РАН. — М.: Восточная литература, 2002. — 800 экз. — ISBN 5-02-018338-5. (обл.)

Шөлүлгелер

• Институт стран Азии и Африки МГУ — Кафедра тюркской филологии Archived 2020-10-10 at the Wayback Machine
• Списки репрессированных востоковедов — НАСИЛОВ Владимир Михайлович Archived 2011-01-31 at the Wayback Machine
• ЗНАМЕНАТЕЛЬНЫЕ И ПАМЯТНЫЕ ДАТЫ МОСКОВСКОЙ ОБЛАСТИ на 2003 год — 110 лет со дня рождения Владимира Михайловича Насилова (1893—1970)