Моррис, Эстер Хобарт
Эстер Хобарт Маккуиг Слэк Моррис (англ. Esther Hobart McQuigg Slack Morris; 8 август 1814, АКШ — 2 апрель 1902, АКШ) — американ хөй-ниитичи. Американың каттышкан штаттарында бир дугаар херээжен шииткекчи (судья).
|
Эстер Хобарт Моррис | |
|---|---|
 | |
| Төрүттүнген хүнү | 1814 августтуң 8[1][2] азы 1813[3] |
| Мөчээн хүнү | 1902 апрельдиң 3[4] азы 1902 апрельдиң 2[5] |
| Чурт | |
Намдары
эдерЭстер Моррис Спенсерге төрүттүнген (округ Тийога, штат Нью-Йорк). Ол дыка эрте ада-ие чок, өскүс арткан. 1841 чылда инженер Артемус Слэк-биле өгленип алган. Үш чыл болганда Слэк чок болурга, ол Перуже (Иллинойс) көже бергеш, коммерсант Джон Моррис-биле өгленип алган.
1869 чылда Морристер Саут-Пасс-Сити деп Вайомингте хоорайже көже бергеннер. 1869 чылдың декабрь 10-да Вайомингтиң девискээринге херээжен улус соңгуп болур деп хоойлу үнген. Аңаа улуг салдарлыг болган кижи дээрге Эстер Моррис деп чугаа бар. Саут-Пасс-Ситиге девискээр төлээзин парламентче соңгулда болуп турар үеде, Моррис шай ижер кылдыр ийи кандидатты - бирээзи, демократ, салун ээзи Уильяма Брайтты база ооң удурланыкчызын чалап алгаш, кайызындан-даа депутат апаар болза, хоойлу дүрүм хүлээр чыышка херээжен улус соңгуп болур деп хоойлу үндүрерин аазаттырып алган. Брайт удуп алгаш, сөзүн туткан. Өске чугаа-биле Брайттар болгаш Морристер чеже-даа чоок эжишкилер турган болза, шай ижер кылдыр чалаан дугайында чугаа меге деп турар.
1870 февраль 14-те Моррис Саут-Пасс-Ситиге тайбың шииткекчизи кылдыр соңгуткан. Ынчалдыр ол Американың каттышкан штаттарында бир дугаар херээжен шииткекчи (судья) апарган. Ооң мурнунда шииткекчи Стиллмен аңаа чорудулгада турар херектерниң даңзызын дамчыдарындан ойталаан, ынчан Моррис ону тудуп шиидер кылдыр чарлык кылган. Шииткекчи кылдыр Моррис 8 ай ишит ажылдаан, ооң соонда ол 1871 чылда өөнүң ээзибиле чарылгаш, Ларамиже көжүп чорупкан. Ооң соонда ол херээжен улустуң эргелери дээш тулчуп чораан. Эстер Моррис Шайеннге чок болган.
1960 чылда Капитолияга Морристиң тураскаалын тургускан.
Демдеглелдер
эдер- ↑ Encyclopædia Britannica (англ.)
- ↑ https://www.fembio.org/biographie.php/frau/frauendatenbank?fem_id=20120 (нем.)
- ↑ https://en.wikisource.org/wiki/Woman_of_the_Century/Esther_Morris
- ↑ SNAC (англ.) — 2010.
- ↑ Find a Grave (англ.) — 1996.
- ↑ Online Biographical Dictionary of the Woman Suffrage Movement in the United States (англ.) / T. Dublin, K. K. Sklar — Alexander Street Press.
Шөлүглер
эдер- Esther Hobart McQuigg Slack Morris. Encyclopaedia Britannica