Июль 15-те хилинчектенгеннер көвүрүү

Июль 15-те хилинчектенгеннер көвүрүү (тур. 15 Temmuz Şehitler Köprüsü, англ. 15 July Martyrs Bridge), баштайгы ады Босфо́рский мост (тур. Boğaziçi Köprüsü, англ. Bosphorus bridge) — Босфор өөжүн кежир бир дугаар астына берген турар көвүрүг. Ол Стамбулдуң Европа болгаш Азия талаларында турар кезектерин тудуштуруп турар[1].

Июль 15-те хилинчектенгеннер көвүрүү

Boğaziçi Köprüsü

Область применения автомобильный
Пересекает Босфор
Место расположения Стамбул, Турция
Тип конструкции Висячий мост
Основной пролёт 1074 м
Көвүрүгнүң калбаа 33.4 м
Высота свода над водой 64,0 м (Судоходный пролёт)

Көвүрүгнүң узуну — 1560 метр, 3 аңгы кезектиг  — 2-зи эрик талаларында база 1-зи төп хемелер эштип эртер. Төп астына берген турар кезээниң узуну — 1074 метр, көвүрүгнүң калбаа — 33 метр, баганаларының суг кырындан бедии — 165 метр. Хемелер эжиндирип кежер кезээнде көвүрүгнүң адаа-биле суг кырының аразы — 64 метр. Көвүрүг чычаан кежер дээш кылган, аай-дедир үш-үш дилиндектиг.

Көвүрүгнүң тудуун 1950 чылда-ла боданып турган, ынчалза-даа чүгле 1970 чылдың февраль 20-де эгелээн. Көвүрүгнуң ажыдыышкыны Турк Республиканың тургустунганындан бээр 50 чыл оюнга тураскааттынып, 1973 чылдың октябрь 29-та болган. Көвүрүгнү немец Хохтиф база англи Кливленд Инжиниринг деп ийи фирма кылып тургускан.

Бир хонукта көвүрүгнү кежир 600 000 хире кижи кежирген 200 000 чычааннар эртип турар. 1973 чылда, ажыттынып турар үезинде, Босфор көвүрүү делегейде эң узун астына берген турар көвүрүглер аразында 4-кү черге турган база АКШ-тан өске чурттарда эң узун астына берген турар көвүрүг деп санаттынып турган. Амгы үеде делегейде узун көвүрүглер аразында 22-ги черде турар. Көвүрүгнү кежери төлевирлиг, чадаг улус кежерин хораан, чүге дизе көвүрүглен улус үргүлчү шурап, боттарының амы-тынынга четтинип турганнар.

2016 чылдың июль 15-те болган шериг дузазы-биле күрүне эргилдези кылыр оралдажыышкынның түңнелинде Босфор көвүрүүн «Июль 15-те хилинчектенгеннер көвүрүү» деп адаан[2].

Галерея эдер

Демдеглелдер эдер

Шөлүглер эдер

  1. Босфорский мост в Стамбуле переименуют в честь жертв мятежа
  2. Мосты в Стамбуле через Босфор: история, высота и длина, где расположены, сколько их и как добраться?
  3. Босфорский мост (Мост Мучеников 15 Июля) – связующее звено между Европой и Азией