Жумабаев, Амангельды Жумабай оглу
Амангельды Жумабай оглу Жумабаев (каз. Амангелді Жұмабайұлы Жұмабаев; 1951 чылдың октябрь 4-те төрүттүнген) – Казахстанның күрүне ажылдакчызы, дипломат, экономист, санчы.
|
Амангельды Жумабай оглу Жумабаев | |
|---|---|
| Төрүттүнген хүнү | 1951 октябрьның 4 (73 хар) |
Намдары
эдерАмангельды Жумабай оглу Жумабаев 1951 чылдың октябрь 4-те Казах ССР-ниң Алматы облазының Энбекшиказах районунуң Көктөбе суурга төрүттүнген.
1974 чылда С. Киров аттыг Казах күрүне университединиң (амгы үеде Аль-Фараби аттыг Казах национал университет) механик-математиктиг факультедин, 1978 чылда Алматының улус ажыл-агыйының институдунуң (амгы үеде Т. Рыскулов аттыг Казах экономика институду) план-экономиктиг факультедин, 1991 чылда ССРЭ-ниң Сайыттар Чөвүлелиниң чанында Улус ажыл-агыйының академиязын дооскан.
1982 чылда Москвада Бүгү-эвилелдиң көдээ ажыл-агый экономиказының эртем-шинчилел институдунуң хүндүскү салбырда аспирантуразын дооскан.
Экономика эртемнериниң кандидады (1982).
1996 чылдың ноябрь айдан эгелеп Казахстанның дипломатия албанынга ажылдай берген.
1996–1999 чылдарда – Казахстан Республиказының Малайзияда Онза болгаш Бүрүн эргелиг Элчини.
1999–2004 чылдарда – Казахстан Республиказының Туркменистанда Онза болгаш Бүрүн эргелиг Элчини.
2003 чылдың декабрь айдан 2011 чылдың май айга чедир – Казахстан Республиказының хары угда Украина болгаш Молдовада Онза болгаш Бүрүн эргелиг Элчини.
2011 чылдың май 5-тен 2013 чылдың февраль 11-ге чедир – Казахстан Республиказының Даштыкы херектер яамызының сайыдының оралакчызы.
2013 чылдың февраль 11-де Казахстан Республиказының Азербайджанда Онза болгаш Бүрүн эргелиг Элчини кылдыр томуйлаткан.
Шаңналдары
эдер- «Казахстан Республиказының тускайлаң чорук чарлаанының 10 чылы» деп медаль (2001)
- Казахстан Республиказының хүндүлел бижии (2002)
- «Тускай догуннаан Туркменистанга улуг ынакшылы дээш» орден (2003, Туркменистан)
- «Казахстан Республиказының Үндезин хоойлузунуң 10 чылы» деп медаль (2005)
- «Казахстан Республиказының Парламентизиниң 10 чылы» деп медаль (2006)
- «Курмет» ордени (2007)
- «Астананың 10 чылы» деп медаль (2008)
- V чергениң Ярослав Мудрый ноянның ордени (2008 чылдың февраль 25, Украина)[1]