Дютриё, Элен
Эле́н Дютриё (фр. Hélène Dutrieu; 10 июляь 1877 — 27 июняь 1961) — Бельгиядан бир дугаар херээжен ужар-хеме мунукчузу.
|
Элен Дютриё | |
|---|---|
 | |
| Төрүттүнген хүнү | 1877 июльдуң 10[1][2][3][…] |
| Мөчээн хүнү | 1961 июньнуң 26[1][2][3] (83 хар) |
| Чурт | |
| Ашаа азы кадайы | Pierre Mortier[d] |
.svg){kind=small}
Чаш үези
эдерЭлен Дютриё 1877 чылдаң июль 10-да Бельгияның Турне деп хоорайга төрүттүнген.
Спортка хандыкшылы
эдерОоң акызы Эжен Соңгу Францияның шылгараңгай терге мунукчуларының бирээзи турган, ооң ачызы-биле Элен чарыштарга сундулуг апарган. Самолет мунуп эгелээриниң бертинде Дютриё терге чарыжынга «Симпсон Левер Чейн» деп бөлүкке чаржып турган, 1897—1899 чылдарда каш удаа рекордтар тургускан. База ол ышкаш мотоцикл база машина чарыштарынга киржип чораан. Берлинге машинага авариялааш, алды ай иштинде эмчиге чыткан.
Авиацияже келгени
эдер
1908 чылдың декабрьда бир дугаар дээрже чиик «Демуазель» хевирлиг «Санто-Дюмоне» деп самолетка олурупкаш ужуп үнген, ынчалза-даа черже баткан. Ынчан ол пилот кылдыр өөренир деп шиитпирлеп алган, «Фарман» деп школаже кирип алган. Чайгы шылгалдазын Дютриё 1910 чылдың август 23-те дужаап алган, ынчалза-даа ооң француз лицензиязын хүлээп албаан. Соонда барып, 1910 чылдың ноябрь 25-те Бельгияга экзаменин катап дужаап алган.
Ол-ла чылдың сентябрьда Бланкенбергтен Брюгге хоорайга чедир оон дедир 45 километр ужудуушкуну оларны кайгаткан. Ындыг узун чер аразын ол бир пассажирлиг ужуп эрткен болуп турар.
1911 чылда Флоренцияга маргылдаага итальян хаанның холундан кубок алган. Күзүн Элен Американың Каттышкан Штаттарынга болган маргылдаага эң узун болган ужудуушкун деп шаңнал алган. 1910 чылда Coupe Femina деп маргылдаага 1 шак 7 минут ужудуп келгеш (херээжен улус аразындан бир дугаар ындыг үр 1 шак ажыр ужуткан кижи!), а каш хонганда ол бодунуң түңнелдерин экижииткен — 2 шак 35 минут — 167 ажыг километрни ужуп эрткен. 1911 чылда Элен база катап уткан, бо удаа 254 километрни 2 шак 58 минут иштинде эрткен.
Ужудуушкунга чедиишкиннери дээш 1913 чылда Элен Дютриё француз Хүндүткел Легиону орденниң бир дугаар херээжен рыцаря апарган.
Бир дугаар делегей дайыны
эдерЭлен Дютриё Бир дугаар делегей айынынга Парижти немец самолеттардан камгалап киришкен.
Ийиги делегей дайыны
эдерИйиги Делегей дайынының үезинде Дютриё шөл эмчизин удуртуп турган.
Хууда чуртталгазы
эдер1922 чылда Элен француз Пьер Мортье-биле өгленип алган болгаш француз хамаатылал хүлээп алган. Соонда барып ол Француз аэроклубтуң херээженнер секциязының президентизиниң оралакчызы апарган болгаш эң узун чаңгыс-даа хонмайн ырадыр ужуптар херээжен кижиге 200000 франк бээр грант ажыдып алган.
Бельгияның баштайгы херээжен ужудукчузу 1961 чылдың июнь 27-де чок болган.
Демдеглелдер
эдерШөлүглер
эдер- Hélène Dutrieu at Early Aviators
- Короткая биография, Smithsonian on Helene Dutrieu Archived 2012-03-15 at the Wayback Machine (англ.)
- Dutrieu as a cyclist for the Simpson Lever Chain team
- Краткая биография, Femmes remarquables… Hélène Dutrieu
- Museum-quality print of Hélène Dutrieu Archived 2008-03-17 at the Wayback Machine by Argent Editions
- ↑ 1,0 1,1 Bibliothèque nationale de France идентификатор BNF (фр.): платформа открытых данных — 2011.
- ↑ 2,0 2,1 Бельгийский биографический словарь (фр.) / Académie royale des sciences, des lettres et des beaux-arts de Belgique — BXL.
- ↑ 3,0 3,1 Dictionnaire des Wallons (фр.) — Fédération Wallonie-Bruxelles, Institut Jules Destrée.
- ↑ https://boowiki.info/art/cyclistes-belges/helene-dutrieu.html
- ↑ https://www.liberation.fr/sports/2020/10/24/helene-dutrieu-sur-deux-roues-ou-dans-les-airs-toujours-pionniere_1803176/