Бөдүүн эфирлер

Бөдүүн эфирлер (англ. ethers) — R-O-R' чижектиг ниити формулалыг органиктиг каттыжыышкыннар клазы. R' биле R-ниң орнунга алкилдиг, арилдиг азы өске оралакчылар турар.

Структура

Бөдүүн эфирлер ыргак C–O–C харылзааларлыг. Диметилдиг эфирде C–O харылзаазының булуңунуң хемчээли 111°, аразының хемчээли 141 пм. Кислородтуң эфирлерде, спирттерде болгаш сугда өске атомнар-биле харылзажыры кайызында-даа дөмей (sp³ гибридизация).

Кислородтуң углеродка бодаарга электронегативтии улуг болгаш, эфирлерниң α водородтары олардан белен адырлыр (кислоттуг шынары улуг). Ынчалза-даа алдегидтер азы кетоннар чижектиг бүдүмелдерде карбонилдиг бөлүкке хамаарыштыр α турушта водородтарга бодаарга кислоттуг шынары кошкак.

Номенклатура

IUPAC номенклатуразында бөдүүн эфирлер "алкоксиалкан" хевирлиг ниити формула-биле адаттынар, чижелээрге, CH₃–CH₂–O–CH₃ болза метоксиетан. Бир эвес бөдүүн эфир оон нарын молекуланың кезээ болза, алкокси оралакчы кылдыр тодараттынар, чижээ, –OCH₃ метокси бөлүк болур. Эң бөдүүн алкилдиг радикал бетинге турар, ынчап кеээрге CH₃–O–CH₂CH₃ болза метоксиетан деп аттыг болур.

Тривиалдыг аттар

Бодүүн эфирлер IUPAC дүрүмнеринге чагыртпас таварылгалар база турар. Бөдүүн эфирлерниң тривиалдыг аттары ийи кезектиг — тургузуп турар оралакчыларының аттары болгаш "эфир" деп сөс, чижээ: этилметилдиг эфир (CH₃–O–C₂H₅), диетилдиг эфир (C₂H₅–O–C₂H₅), дифенилдиг эфир (C₆H₅–O–C₆H₅).

Физиктиг шынарлар

Бөдүүн эфирлерниң хайныр температуралары оларга дүгжүп турар алканнарның хайныр температураларынга дөмей. Ниити кезиинде өң чок, тускай чыттыг, белен бусталыр суук чүүлдер.

Чамдык алкилдиг эфирлерниң шынарлары
Эфир	Структуразы	T_хайл (°C)	T_хайн (°C)	1 литр сугга эстири (г)	Диполдуг моментизи (D)
Диметилдиг эфир	CH₃–O–CH₃	−138.5	−23.0	70	1.30
Диетилдиг эфир	CH₃CH₂–O–CH₂CH₃	−116.3	34.4	69	1.14
Тетрагидрофуран	O(CH₂)₄	−108.4	66.0	холужар	1.74
Диоксан	O(C₂H₄)₂O	11.8	101.3	холужар	0.45

Дөстер

ХиМик.ru — Химическая энциклопедия — ЭФИРЫ ПРОСТЫЕ https://xumuk.ru/encyklopedia/2/5450.html