Ашык, Эмре
Эмре Ашык (тур. Emre Aşık; 13 декабрь 1973, Бурса) — турк футболчу, төп камгалакчы [3]. «Сөнмез Филаментспор» клубтуң футбол школазының доозукчузу. Эмре бодудуң карьеразының иштинде Турцияның «Фенербахче», «Бешикташ» база «Галатасарай» деп үш тергиин дээн клубтарының составынга ойнап каапкан. Сөөлгү чылдарга чедир «Галатасарай» дээш ойнап чораан. Ол Турцияның эң шыырак болгаш дуржулгалыг камгалакчыларының бирээзи. Ылгавыр шынары — шөлге дошкуну.
 Эмре Ашик | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Төрүттүнген |
1973 декабрьның 13[1][2] (50 хар) |
|||||||||||||||||||||
| Хамаатылалы | ||||||||||||||||||||||
| Позиция | камгалакчы | |||||||||||||||||||||
| Клуб | карьеразын дооскан | |||||||||||||||||||||
| Карьера | ||||||||||||||||||||||
| Клубка карьера* | ||||||||||||||||||||||
| 1991—1992 |  Сөнмез Филаментспор
| 30 (0) | ||||||||||||||||||||
| 1992—1993 | Балыкесирспор
| 28 (7) | ||||||||||||||||||||
| 1993—1996 | Фенербахче
| 50 (4) | ||||||||||||||||||||
| 1996—2000 | Истанбулспор
| 96 (7) | ||||||||||||||||||||
| 2000—2003 | Галатасарай
| 69 (3) | ||||||||||||||||||||
| 2003—2005 | Бешикташ
| 31 (2) | ||||||||||||||||||||
| 2006—2010 | Галатасарай
| 37 (1) | ||||||||||||||||||||
| 2007—2008 | → Анкараспор
| 24 (1) | ||||||||||||||||||||
| Чыынды команда** | ||||||||||||||||||||||
| 1992—1993 | Турция (до 18)
| 17 (1) | ||||||||||||||||||||
| 1992—1993 | Турция (21 хар чедир)
| 2 (0) | ||||||||||||||||||||
| 1993—1993 | Турция (олимп.)
| 1 (0) | ||||||||||||||||||||
| 1993—2010 | Турция
| 52 (2) | ||||||||||||||||||||
| * Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар. ** Националдыг чыынды-биле официалдыг матчтарга оюннары болгаш голдары. | ||||||||||||||||||||||
|
||||||||||||||||||||||
Карьеразы
эдер1991 чылда «Сөнмез Филаментспор» деп клубтуң футбол академиязын дооскаш, олар-биле керээ чарып алган. Ынчалдыр ол чоорту бут кылырга туруп, эки оюнун көргузүп эгелээн. Ол-ла 1991 чылда Турцияның чемпионадының 3-кү Лигазынга ойнап киргеш, команданың кол составынга кирген. Чалыы Эмре дораан-на кезек клубтарның ойнакчылар шилиир кижилериниң демдеглелдеринче кирген. Бир чыл болганда ол «Балыкесирспор» деп 2-ги лиганың клувунга ойнай берген. 1993 чылда Эмре «Фенербахче» клубче шилчээш, Турцияның Супер-лигазынга бир дугаар ойнап эгелээн. 1993 чылдың август 29-та «Алтай» клувунга удур кол составка үнгеш, шөлден үндүртүп алган. 1995/96 сезонда ол командазын чуртуң чемпиону кылып каан. Ол-ла чылын ону «Истанбулспор» садып апарган. «Истанбулспорга» дөрт чыл ойнааш, онза чедиишкинниг-даа болбаан. 2000 чылда Стамбулдуң «Галатасарай» Эмрени садып алган. Ооң составында УЕФА-ның Суперкубогун удуп алгаш, бир чыл болганда Турцияның ийи дакпыр чемпиону апарган. Ооң соонда 2003 чылда «Бешикташ» клубче шилчээн, ынчалза-даа 2005 чылда ол катап база «Галатасарайже» эглип келгеш, катап база чуртуң чемпиону апарган. 2007/08 сезонда «Анкараспор» клубка хөлезилеткен турган. 2008/09 сезонда Турцияның Суперкубогун 20 оюн ойнааш, 1 бөмбүк киир тепкеш, 10 сагындырыг алгаш база 1 катап шөлден үндүр октаткаш, удуп алган.
Чыынды командага карьеразы
эдер1991 чылдан тура U-18 база U21 Турцияның чыынды командаларынче чаладып турган. 1993 чылдан тура чуртуң улуг чыынды командазынче кирген. Турция дээш 1993 чылдың октябрь 27-де Польшаның чыынды командазынга удур бир дугаар ойнаан. 2002 чылдың делегей база 2008 чылдың Европа чемпионаттарының хүлер шаңналының эдилекчизи. Евро-2008 маргылдаага Эмре 4 оюнну Португалия, Швейцария, Чехия база Хорватияның чыынды командаларынга удур ойнаан. Ниитизи-биле 292 минут ойнааш, 2 сарыг карточкалар алган. Ниитизи-биле Турцияның чыынды командазы дээш 52 оюнче чалаттыргаш, 30 оюнга ойнааш, 2 бөмбүк киир тепкеш, 9 сарыг база 2 кызыл карточкалар алган.
Чедиишкиннери
эдер- Фенербахче
- Турцияның чемпиону (1): 1995/96
- Галатасарай
- Турцияның чемпиону (2): 2001/02, 2005/06
- УЕФА-ның Суперкубогунуң эдилекчизи: 2000
- Турцияның Суперкубогунуң эдилекчизи: 1 (2008)
- Турцияның чыынды командазы
- 2002 чылдың делегей чемпионадының хүлер шаңналының эдилекчизи;
- 2008 чылдың Европа чемпионадының хүлер шаңналының эдилекчизи[4].