Аракчаа, Куулар Мунзук оглу
Куулар Мунзук оглу Аракчаа (июль 15, 1922 - февраль 13, 1993) — тыва чогаалчы, журналист. ССРЭ-ниң Журналистер эвилелиниң кежигүнү.
|
Куулар Мунзук оглу Аракчаа | |
|---|---|
| Төрүттүнген хүнү | 1922 июльдуң 15 |
| Мөчээн хүнү | 1993 февральдың 13 (70 хар) |
К.М.Аракчаа 1922 чылдың июль 15-те Тыва Арат Республиканың Чөөн-Хемчик кожуунунуң Дагыр-Шемиге төрүттүнген. Бижик-билигге боду өөренгеш, совет-партия школазын дооскан. Тываның Революстуг аныяктарының эвилелиниң эге организациязының секретарынга, Чыргакы суму комитединиң секретарынга, Өвүрнүң реванэниң килдис эргелекчизинге, «Тываның аныяктары», «Шын» солуннарга редакторлап ажылдап чораан.
Ооң баштайгы ному «Кажар сыын» 1956 чылда чырыкче үнген. Дараазында чылдарда «Медээчи куш» (1964), «Алдын чуурга» (1967), «Сыынак» (1969), «Хову каргыраазы» (1970), «Элбек сүт дээш» (1972) деп номнарны парлап үндүрген.
ССРЭ-ниң «Күш-ажылга шылгарал дээш» медалы-биле, Тыва АССР-ниң Дээди Совединиң Президиумунуң Хүндүлүг бижии-биле шаңнаткан.
Дөс
эдер- «Тываның чогаалчылары / Писатели Тувы» 2000 чылда үнген ном
|
Бо дээрге белеткеп каан чүүл-дүр. Эдип база немеп тургаш, ук төлевилелге дузалап болур силер. |