Анай-хаак (студия)

«Анай-хаак» хөгжүм студиязы юридиктиг бүрүткели ёзугаар ажык хөй-ниити организация болур. Амгы үеде ооң чингине директору Тываның Арзылаң мөгези Очур Кара-Сал болур.

1993 чылда Сүт-Хөл кожуунуң төвү Суг-Аксы суурга «Анай-Хаак» бөлүү тургустунган. Бөлүктүң үндезин кежигүннеринге ооң удуртукчузу, тургузукчузу Игорь Ондарь, чогаадыкчы композитор, ыраажы, бас-гитарага ойнаар Алаш Ондар, гитарист Артыш Сарыглар, клавишага ойнаар Аян Ондар, баянист, ыраажы Найыр Монгуш, ыраажы Эрес Камзаров хамааржыыр. Удаваанда оларга Шолбан Ондар, Роман Ондар, Чинчи Самба немешкеннер. 2006 чылга чедир «Анай-Хаак» бөлүк сайзырап, чон аразынга ады нептереп, ыраажыларның саны көвүдээш, эрге-байдалы бедип, студия апарган.

Бо хүнде шупту ыраажыларны 4 салгалга чарып турарлар.