Алкалоидтер

Алкалоидтер дээрге, бодунуң тургузуунда азот бар органиктиг бүдүмелдер-дир.

Бирги тускайлаң алкалоид, морфин, 1804 чылда опийлиг мактан ылгаттынган. (лат. Papaver somniferum)

Алкалоидтерниң хөй кезии үнүштерниң, эң ылаңгыя оларның чечектеринде органиктиг кислоталарның дустары хевирлиг болуп турар. Алкалоидтер эът-мага-ботка дээштииниң талазы-биле эң күштүг эмнерге хамааржыр, ынчангаш чамдык үнүштер дириг амытаннарга хоралыг болурунуң ужурун ооң-биле тайылбырлаар. Медицинада ажыглап турар эмнерниң дыка хөйүн, чижээлээрге,морфин, папаверин, кодеин, эфедрин, хинин, кофеин, никотин дээш өске-даа күштүг эмнерни алкалоидтер бар үнүштерден үндүрүп ап турар.

Дөзү

1. Доржу Көк-оолович Куулар, Тана Моңгушевна Куулар - "ЛЕКАРСТВЕННЫЕ РАСТЕНИЯ В ТУВЕ"