Үүле-кылдынныглар хевирлери

Үүле кылдыныглар мындыг болур:

- Эки-даа багай-даа үүлениң түңнели ыявыла илерээр.
- Кылдынмаан үүлениң түңнели турбас.

1. Кылдынган, ынчалза-даа чыгдынмаан. (Ол чүл дээрге, бодуңарның дайзыннарыңарны чок кылып кааптайн деп бодаан, ынчалза-даа ооң тынынга четпээн силер. Чок кылыйн деп деп бодапканыңар - кылдынган үүлгедиг болур. А тынынга четпээн болганыңарда - чыгдынмаан үүлгедиг-дир.)

2. Кылдынмаан, ынчалза-даа чыгдынган. (Кандыг-бир амылыг амытанның тынын үзейн деп бодавайн чораан, ынчалза-даа билбейн тынын үзүпкен. Бодавааны - кылдынмаан, кылыпканы - чыгдынган.)

3. Кылдынган болгаш долузу-биле чыгдынган. (Амылыг амытанның тынын үзейн деп бодап чорааш, ооң тынын үскен болза, бодааны кылдынган, кылганы - долузу-биле чыгдынган. Бо эң-не аар үүле (карма)-дыр, чүге дизе ол долузу-биле чыгдынган.)

4. Кылдынмаан, чыгдынмаан. (Багай бодалдар тыптып келирге, ол багай бодал-дыр деп эскерип кааш, соксадып кааптарга, багай үүле кылдынмаан болгаш чыгдынмаан болур.)

Ынчангаш кижиниң кылбаан чүвези кижиге кажанда-даа шаптык катпас, а кылган чүүлү анаа эртпес. Ындыг болганда, багай чүүлдерни соксадып, Үш Эртинеден авыралды дилээричугула. Кол-ла чүве - үстүнде чүүлдерни сагып, он нүгүлдүг үүлени кылбайн, өскелерге хора чедирер сеткил кижиге шуут чок турар кылдыр бодун чаңчыктырары болур.

Дөс

Ном "Алдын чула" Пэндэ Гуалцен III Далай-Ламаның "Ламрим Сершүнма" деп Номунга тайылбыр