Үш эртинеден авырал дээрге чүү чүвел?
Буддист кижиниң авыралы 3 дээди эртине болур: Будда, Дхарма, Сангха. Чүге Будда башкы авырал дилээринге таарымчалыг болуп турарыл?
Үш ховар дээди эртинеден авырал дээрге чүү чүвел? Будда башкыга хамаарыштыр 4 барымдаа бар:
- Будда башкы боду Очалаңдан адырлып алган. Очалаңдан адырлы берген деп турар санында шупту хилинчек човулаңдан болгаш хилинчек-човулаңның чылдагааннарын долузу-биле узуткап каапкан болуп турар.
- Будда башкының өскелерни хостап алыр күжү бар.
- Будда башкы дээди энерел сеткилдиг болуп турар.
- Кандыг-даа амылыгга дең хамаарылгалыг. Ооң утказы болза Будда башкыны бир кижи мактап-сүзүглээрге, а өскези бактаарга Будда башкы кайызынга-даа дең хамаарылгалыг.
3 эртинениң ойнаштыг талалары:
- Ёзулуг буддист апаар мен
- Меңээ кым-даа хора чедирип шыдавас
- Будда, Дхарма, Сангха мени камгалап турар
- Тамы ораннарының оруу хааглыг боор
- Угаанның эки талалары сайзыраар (чижээ: шыдамык сеткил, кызымак сеткил дээш оон-даа)
Авыралга хамаарыштыр сагылдар:
- Буддага хамаарыштыр:Авыралды чүгле Будда башкыдан дилээр (карачал Бурганнардан эвес, Очалаңдан хостуг эвес амылыглардан дилевес)
- Дхармага хамаарыштыр: Өскелерге хора чедирбес
- Сангхага хамаарыштыр: нүгүлдүг эш-өөр-биле эдеришпес
Дөзү
эдер- Ламрим Ченмо. Ыдыктыг Зоңгава башкы болгаш геше Джампа Тиңлей башкы.