Угжок

Угжок — кандыг-бир чүвениң экизин азы багайын айтырда; кижи сеткили амырай бергенде азы баксырай бергенде чугаага ажыглаар сөс.

Чижээ: "Эки-мендизин угжок уткан". "Угжок-тур"!

Чугаа кезээнга хамаарыштыр «угжок» деп сөс наречиеге хамааржыр. Ол, ийи сөстен тургустунган: «уг» биле «чок».

• уг – тала, чүк, баар тала... Ооң уг-шии билдинмес барган. Дуу, угда кижилерни көрдүм. Ол угже чоруй барды.
• чок – артынчы сөс, мында ол кандыг-бир чүвениң турбаанын айтып турар.

Утка талазы-биле таарыштыр эдип тургаш, домакка «угжок» деп сөстү «хөлчок», «тоомча чок», «төнчү чок», «утка чок» деп сөстер-биле солуп болур. Наречие сөстеринден утка талазы-биле аңаа «аажок», «аргажок» деп сөстер дөмей.

1990 чылдардан эгелеп аныяк улустуң чугаазынга ол сөс кедергей дыңналыр апарган. Улгады берген улустуң чугаазында ол сөс шоолуг дыңналбас болур чүве.

Үндезини

http://scjournal.ru/articles/issn_1997-2911_2015_1-1_12.pdf Archived 2017-09-24 at the Wayback Machine Даржа Урана Анай-ооловна. Образование собственно сложных наречий в тувинском языке. // Филологические науки. Вопросы теории и практики, № 1 (43) 2015, часть 1. стр. 53-55.