Дустар

Дустар — металлдар катионнарындан болгаш кислоталыг артынчылардан тургустунган химиктиг каттыжыышкыннар. ИЮПАК дустарны катионнар биле анионнардан тургустунган каттыжыышкыннар деп тодарадып турар. Дустар дээрге кислоталар биле основаниелерниң аразында реакция дузазы-биле үнер бүдүмелдер. Металлдар катионнарындан аңгыда дустарга аммоний NH₄⁺, фосфоний PH₄⁺ болгаш олардан укталган органиктиг катионнар, база комплекстиг катионнар туруп болур.

Дустарның хевирлери

Катионнар биле анионнарның канчаар солуттунуп турары-биле дараазында дустар хевирлерин аңгылап болур:

• Ортун (ноормалыг, бөдүүн) дустар — кислотада шупту катионнарны металлдар катионнары-биле солуурунуң продуктузу (Na₂CO₃, K₃PO₄);
• Ажыг дустар — кислотада шупту эвес катионнарны металлдар катионнары-биле солуурунуң продуктузу (NaHCO₃, K₂HPO₄). Олар кислотаның артык болуп турарындан азы основаниениң чедишпес болуп турарындан үнер;
• Үндезинниг дустар — үндезиннерниң (основаниелерниң) шупту эвес гидроксид-ионнарны кислоталыг артынчылар-биле солуурунуң продуктузу ((CuOH)₂CO₃), ындыг дустар основание артык, азы кислота чедишпес болурга үнер;
• Комплекстиг дустар — комплекстиг анионнуг дустар (Na₂[Zn(OH)₄]).