Ма́рко Ауре́лио Бри́то дус Празе́рис (тур. Аурелио Мехмет; порт. Marco Aurélio Brito dos Prazeres) — бразиль футболчу, чартык-камгалакчы кылдыр ойнакчы. Турк хамаатылал хүлээп алгаш, адын Мехме́т кылдыр эткеш, Турцияның чыынды командазы дээш ойнап турган. Турцияның «Трабзонспор», «Фенербахче», «Бешикташ» деп клубтары дээш ойнап чораан база Турцияның чыынды командазы-биле Европаның 2008 чылда чемпионадынга киришкен.

Футбол
Марко (Мехмет) Аурелио
Төрүттүнген 1977 декабрьның 15(1977-12-15)[1][2] (46 хар)
Хамаатылалы
Узуну 178 см
Позиция полузащитник
Клуб карьеразын дооскан
Карьера
Клубка карьера*
1995—2001 Бразилия Фламенго 123 (21)
2001 Бразилия Олария 17 (2)
2001—2003 Турция Трабзонспор 64 (15)
2003—2008 Турция Фенербахче 176 (13)
2008—2010 Испания Реал Бетис 69 (6)
2010—2012 Турция Бешикташ 34 (1)
2013 Бразилия Олария 10 (0)
Чыынды команда**
2006—2011 Турция Турция 37 (2)
* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар.
** Националдыг чыынды-биле официалдыг матчтарга оюннары болгаш голдары.
Европа чемпионады
Хүлер Австрия/Швейцария 2008

Намдары эдер

Бразилияга Рио-де-Жанейро хоорайга төрүттүнген. Улуг улус аразынга футболчу карьеразы Бразилияга «Фламенго» деп клубка 1995 чылда эгелээн. Ооң соонда «Олария» деп клубка 17 маргылдаага киришкеш, ийи гол киир тепкен.

2001 чылда Бразилияны хаггаш, Турцияга келгеш, «Трабзонспор» деп клуб дээш ойнап эгелээн. Ооң составынга алдан дөрт оюн иштинде 15 гол түңнелдиг болган.

2003 чылда Марко Стамбулда «Фенербахче» клубче шилчип алган. Аңаа клубтуң эң шыырак ойнакчыларының бирээзи апарган. Ол команданың составынга Турцияның 3 дакпыр чемпиону апарып, Суперкубокту база уткан. Ниитизи-биле чүс чеден алды оюнга 13 гол киир тепкен. Ынчангаш Аурелио кол ойнап чораан клуву Стамбулдуң «Фенербахче» болуп турар.

Удатпаанда Турк хамаатылал алгаш, чаа чуртунга мусульман Мехмет деп ат алган.

2006 чылдың апрель 16-да Турцияның чыынды командазының тренери Фатих Терим ону Турцияның чыынды командазының составынче чалаан. Ол-ла чылдың сентябрь 12-де Мехмет чыынды команда дээш бир дугаар голун венгерлерниң хаалгазынче киир тепкен. ЕВРО-2008 маргылдаага ол дөрт оюнга киришкеш, командазын чартыкфиналче киирип каан. Турцияның чыынды командазы дээш 37 оюн ойнааш, ийи гол киир тепкен.

Европаның чемпионадының соонда ону Испанияда Севильядан «Реал Бетис» деп команда садып апарган.

2010 чылдың август 25-те «Бешикташ-биле» ийи чылдыг керээ чарып алган[3].

«Бешикташ-биле» ийи чылдыг керээзи төнген соонда 2013 чылда катап Бразилияже чанып кээп, «Олария» деп төрээн чуртунуң клубу дээш ойнап чоруур.

Аурелио шөлге үнүп келгенде изиг ханныг, быжыг туруштуг, тактика талазы-биле шыырак база эки техникалыг чартык-камгалакчы ойнакчы деп алдаржаан.

Чедиишкиннери эдер

  • Рио-де-Жанейро штаттың чемпиону (3): 1999, 2000, 2001
  • Николас Леостуң Алдын Кубогунуң эдилекчизи (1): 1996
  • Меркосур Кубогунуң эдилекчизи (1): 1999
  • Бразилияның Чемпионнар Кубогунуң эдилекчизи (1): 2001
  • Турциияның Кубогунуң эдилекчизи (2): 2002/03, 2010/11
  • Турцияның чемпиону (3): 2003/04, 2004/05, 2006/07
  • Турцияның Суперкубогунуң эдилекчизи (1): 2007
  • Европаның 2008 чылда чемпионадының хүлер шаңналының эдилекчизи (4 оюн)

Демдеглелдер эдер

  1. Transfermarkt.com (х.) — 2000.
  2. https://bdfa.com.ar/jugadores-31909.html (исп.)
  3. Mehmet Aurelio Beşiktaş’ta (tr)  (чедимчок шөлүг — төөгү). Beşiktaş Jimnastik Kulübü (25.08.2010). Хынаан 25 Сес айның 2010. Архивтээн 2010 Сес айның 27.

Шөлүглер эдер