Тоньукук: Эде көрүлделер аразында ылгал

Ашидэ сөөктүң улузунга төрүттүнеген. Ооң ада-өгбелери беглер турган. Түрктерниң күрүнезинде “Бойла баға тарқан” деп дужаалдыг турган. Ол болза хаан кижиниң оралакчызы-дыр.

 

Тоньукук төрүттүнүп кээрде-ле түрк чон кыдат хаанның албатызы турган. Эртем билигни кыдатка чедип алган. Чамдык түрк беглерниң ажы-төлү Чанъянь хоорайга өөренип чурттап турган. Ол үеде ол хоорай кыдаттың бир төвү турган. Кыдаттар хааны ызыгуурлуг кижилерниң ажы-төлүн, ылаңгыя оолдарны бодунуң чанынга тудар турган. Ол кончуг кажар арга-дыр! Чүге-дизе бир эвес түрктерниң баштыңнары кыдаттарга удурланыр болза кыдат хаан оларның ажы-төлүн ат кылыр! Тоньукук төрүттүнмээнде-ле түрктерни кыдаттар Гоби ховунуң мурнуу чартыынче көжүрүп, чуртадып каан.