Руаджан, Мелахат

Майык:Государственный деятель Мелахат Руаджан (тур. Melahat Ruacan, төрүттүнгенде фамилиязы Сенгер; 1906-1974) — турк шииткекчи, Турцияның Дээди шүүгү чериниң бир дугаар херээжен шииткекчизи.

Намдары

Полковник Нури база ооң өөнүң ишти Гюзидениң баштайгы төлү. Мелахат Руаджан бичиизинде Эренкөй деп уруглар лицейин дооскан^[1], ооң соонда Стамбулдуң университединге философияны өөренип турган, ынчалза-даа дооспаан. Чүге дизе Ататюрктуң шиитпири-биле Турцияның найысылалы Анкараже көшкен соонда, чаа Анкараның университеди тургустунган. Ооң соонда Мелахат Сенгер Анкараже көже бергеш, Анкарада ажыттынган чаа университетче кирип алган. Анкараның университединиң юридиктиг факультединге 1925 чылдан 1929 чылга чедир өөренген. 1938 чылда Мелахат Расым Руаджан деп кижи-биле өгленип алган, өг-бүле чаңгыс оолдуг болганнар.

Университет дооскан соонда, ол шүүгү черинге шииткекчи кылдыр ажылдап турган. 1945 чылда ол Турцияның Дээди апелляциялыг судунга кежигүнү кылдыр томуйлаттынган бир дугаар херээжен шииткекчи болган^[1]. Руаджан бүгү шиитпирлерин чүгле хоойлуга даянып үндүрер болганда, демократтыг намның чазакка күш киргениниң соонда Руаджан дужаалындан чоруур ужурга таварышкан. Соонда барып, ол катап база дужаалынга эглип келгеш, ажылдай берген.

1974 чылда Анкарага чүрээ турупкан.

Демдеглелдер

↑ ^1,0 ^1,1 Hiçyılmaz, Ergün Hukukun cesur kadınları. arsiv.sabah.com.tr. Sabah (2004-03-17).

[:2-1] 1,0 ^1,1 Hiçyılmaz, Ergün Hukukun cesur kadınları. arsiv.sabah.com.tr. Sabah (2004-03-17).

[1]