Зверева, Лидия Виссарионовна

Лидия Виссарионовна Зверева (1890 чылда август 3 — 1916 чылдың май 2(15) — Россияда бир дугаар ужудукчу дипломнуг херээжен кижи.

Лидия Виссарионовна Зверева
орус. Лидия Виссарионовна Зверева
Төрүттүнген хүнү	1890
Мөчээн хүнү	2 (15) майның 1916
Чурт	Российская империя[d]

Намдары

13.08.1890 чылда август 3-те 1877—1878 чылдарда Балкан дайынынның киржикчизи орус генералдың өг-бүлезинге төрүттүнген. Ачазы – Виссарион Иванович Зверев, орус генерал. Ийи кады төрээн эр улус: Владимир болгаш Сергей, ийи кыстар: Евгения биле Инна. Мариинниң херээжен гимназиязынның доозукчузу. (чамдык медээлер биле — Белостоктуң ызыгууртан уруглар институдуннуң доозукчузу). 17 харлыында инженер И.С. Зверевке ашака барып алган. Ийи чыл болганда дулгуяк арткан. 1910 чылда Гатчинниң аэроклуву «Гамаюн»-че (авиация школазы Л. Голанчикова база өөренип турган) кирген 1911 чылдың ноябрьда ол школаны дооскаш, Россияда бир дугаар дипломнуг ужудукчу болган. Дипломнуң №31.

Херээжен улустан бир дугаар «мёртвая петля», «штопор», «пикирование» база өжүк мотор-биле ужудар аргаларны кылган. Элээн каш авиааварияларга база таварышкан, ынчалза-даа өршээлдиг болган.

Ужудукчулар школазынга келир үеде ашаа — ужудукчу-инструктор Владимир Слюсаренко-биле таныжып алган. Слюсаренколар Петропавловск кудумчузунга, №6 бажыңга (Петроград талазынга) чуртап турганнар. 1911—1912 чылдарда олар Россиянның хоорайларынга көргүзүг ужудуушкуннарны бараалгатканнар. 1913 чылда олар Ригага ужар-хеме септээр мастерскаяларын база ужудукчулар школазын ажытканнар. Бир дугаар Делегей дайынынның эгезинден Слюсаренколар шериг ведомствозундан субсидия алгаш мастерскаязын завод кылдыр эде кылгаш, Петроградче көжүрүп алганнар. Ийи чыл ишти, 1916 чылдың август 1-ге чедир завод 40 ужар-хемени кылган: «Фарман-XXII бис» — 15 экземпляр, «Моран-Парасоль» — 25 экземпляр. Улаштыр «Фарман-VII» – 8 экзепл. «Фарман-IV» – 9, «Моран-Ж» 14-метрниң. Олар чагыгны – 20 ужар-хеме «Лебедь-XII» база алганнар.

Лидия Зверева 1916 чылда май 2(15)-те чок болган. Арыы – тиф. Никольское хөөрүнде ажааган. Заводу 1917 чылга чедир ажылдаан. Ашаа Владимир Слюсаренко Австралияже чоруй барган.

Ужудукчу демдеглелдер

«Мёртвая петля», «штопор», «пикирование» база өжүк мотор-биле ужудар аргаларны кылган эң бир дугаар херээжен.

Тураскаалдары

• Санкт-Петербургта Приморье кудумчузун уругнуң ады биле адаан.микрорайон Аэродром, Гатчина.
• Лев Мациевич аттыг сквреде, ынчангы Комендант аэродромунда, Санкт-Петербургта ужудукчу уруг Лидия Звереванның бюстузу бар.

Шөлүглер

• Русская летчица ЛИДИЯ ЗВЕРЕВА
• Русская авиатрисса" Страницы истории
• Первые Женщины-Авиатриссы в Царской России