Делегей чергелиг эртем шинчилел төвү "Хөөмей"
«Делегей чергелиг эртем шинчилел төвү "Хөөмей"» - 1993 чылдың январь 27-де Тыва Республиканың Чазааның №31 дугаар айтыышкыны ёзугаар «Хөөмей» аттыг делегей чергелиг эртем шинчилел төвүн үндезилээн.
Төөгүзү
эдерХөөмей-сыгыт талазы-биле бирги мөөрейлер 1987 чылдан тура эгелээн. А 1993 чылда I-ги Делегей чергелиг уран-чүүл эртемнерниң талазы биле «Хөөмей - Төп Азияның чоннарының онзагай уран чүүлү» деп аттыг симпозиумну эттиргеннер. Ол Симпозиумнуң ажылының түңнелинде хөөмей талазы биле эртем-шинчилел ажылының негеттинип келгенин демдеглеп, тускай албан черин тургузарын шиитпирлээн. Тыва Республиканың Чазааның доктаалы-биле регионнар аразының чоннуң хөгжүмүнүң үн шинчилелдерин чорударынга болгаш чиңгине аас чогаалын, материалдыг эвес культураны кадагалап арттырарынга деткимче болгу дег, амыдыралдың чаңчылчаан овур-хевириниң улусчу бот-тускай чоруун өөренип көргеш, тыва чоннуң ыры уран чүүлүн кадагалап арттырар талазы-биле хоойлужудулгаларны экижидери-биле «Хөөмей» деп чурттар аразының эртем төвүн тургузарын сүмелээн. 1993 чылдан амгы үеге дээр директору Кыргыс Зоя Кыргысовна, Россия Федерациязының уран чүүлдүң алдарлыг ажылдакчызы, уран-чүүл эртемнериниң доктору.
Дөзү
эдер- Делегей чергелиг "Хөөмей" эртем шинчилел төвүнүң кол арны Archived 2018-02-06 at the Wayback Machine
- Кыргыс З.К. Тыва хөөмейниң чажыды. Кызыл, 2013.