Майык:Государственный деятель Тюркан Акйол (тур. Türkân Akyol; 1928 чылдың октябрь 12, — 2017 чылдың сентябрь 7) — турк политик, эмчи база эртемден. Ол турк чазактың бир дугаар херээжен-сайыды база Турцияда бир дугаар херээжен университет ректору[1].

Чаш чылдарыЭдер

Тюркан Акйол 1928 чылдың октябрь 12-де Стамбулга төрүттүнген. Эге школаны ол Турцияның аңгы-аңгы хоорайларынга дооскан, чүге дизе ооң ачазы офицер турган. 1947 чылда Стамбулга Эренкөй деп уруглар школазын дооскан[1].

Эртем болгаш политикага ажылыЭдер

Акйол 1953 чылда Анкараның университединге эмчи эртеми чедип алган. Ол пульмонолог-эмчи апарган болгаш академиктиг ажылын дооскан университединге улаштырган. 1965 чылда доцент ат четкен, а 1970 чылда — профессор болган. 1959 база 1965 чылдарда Акйол эртем шинчилел ажылдарын Американың каттышкан штаттарынга, Францияга база Нидерландыга кылып турган[1].

1971 чылда март 25-те Турцияның президентизи Нихат Эримениң үезинде кадык камгалал болгаш социал хандырылга сайыды кылдыр томуйлаттырган. Ынчан ол Турцияда бир дугаар херээжен-сайыт болган. Ол-ла чылдың декабрь 13-те оон үнгеш, катап университетке ажылдап келген[1].

1980 чылда Акйол Анкара университединиң ректору кылдыр соңгуттурган. Ынчан ол Турцияда бир дугаар херээжен ректор апарган. Ректор кылдыр ол 1982 чылга чедир ажылдааш, Дээди өөредилгениң чөвүлели-биле маргышкаш, ажылындан үне берген[1]. Айкол университетке 1983 чылга чедир башкылап турган. Ол үеде, Эрдал Инёню аңаа чаа тургустунуп турган социал-демократтыг намның тургузукчу боорунче чалаан. Акйол ол намның даргазының оралакчызы апарган.

Тюркан Акйол Парламентче Измир провинциязыныдан депутат кылдыр 1987 чылдың соңгулдаларының соонда кирген. 1991 чылда депутаттаар хуусаазы төнерге дедир башкылаар ажылынче эглип келген[1]. 1992 чылда Турцияның чазааның херээженнер болгаш өг-бүле херектериниң талазы-биле сайыды апарган. 1993 чылда база катап сайыт кылдыр кирген.

СактыышкынЭдер

Турцияда Бурса хоорайда эмнелгениң адын ооң ады-биле адаан.

ДемдеглелдерЭдер

  1. 1,0 1,1 1,2 1,3 1,4 1,5 Ankara Üniversitesi Rektörleri-Prof. Dr. Türkan Akyol (tr)  (чедимчок шөлүг — төөгү). Ankara University. Хынаан 8 Февраль 2013. Архивтээн 2012 Беш айның 13.